نفساني - عرض مشاركة واحدة

01-07-2008, 04:23 AM

بوح القلب هلاآآ وعليكم السلام

أنا اطلع مرات للملاهي مع صديقاتي بس مو كثير
وبعد طلوع الروح
وأمي صحيح طيبه مررره بس ماهي منعزله عن الناس
بس عيبها طيبتها الزايداه عن حدها

أما عن ابوي ودي اتقرب منه واسولف معاه
ودايماً اقول هالشي لنفسي بس لما اقابله
احس قلبي يضرب بقووه ويصير عندي زي
الخوف حتى لو ماقالي شي
والحين الفتره الاخيره انا عارفه وحاسه
ان هو حاس بالذنب ، لانه يدري انه غلطاان معي
وانا صغيره لان اللي سواه ماحد يقدر ينساه
لا انا ولاهو يعني هالايام احس انه يبي يتقرب
مني يسولف ولا يبيني اسولف وياه
بس انا خلاص اذا شفته اخااااف هالشي من يوم ما
عرفت نفسي وانا اخاف منه بس هو غلطان
بعد ماكبرت ووصلت هالسن توه يحس بالغلط
ومرات يرجع يغلط .. بس انا ما انكر انه تحسن

انا خلصت الثانوي وعمري مثل ماقلتي 18

وعن أخواني فيهم ثلاث اصناف
في منهم ماطيقهم ابداً < والله غصب عني من اللي يسوونه
وفيه منهم عادي ما يعطوني وجه ولا كأن عندهم أخت
وفيه واحد بس الله يسعده ويوفقه ويخليه لي ولأمي
هو ما اخاف منه لانه ذوق يجي يسأل عني وعن أمي هو اصغر اخواني بس انه ارجلهم
شايل البيت على راسه وكل الناس يحبونه
ودايم مشغول عشان كذا ما يفضى لي كثير

واخواني الثانين وش اساعدهم فيه ما يستاهلون
وترى هم مو مثلي ابداً صح ان الوضع بالبيت
يمكن معقدهم بس مو واصلين للي واصله له انا
لانهم اولاد يقدرون يطلعون من البيت ولهم علاقات كثير وشخصياتهم قويه هذا اللي اشوفه ..

الله يسعدك بوح ويوفقك
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
اختي الصغرى يبدو اننا اصبحنا نرى واجهة اخرى غير التي برسالتك الأولى ارجعي وقارني ,
قد تكوني كتبت الرسالة الأولى وانتي متضايقة من فعلاما وكنت عصبية ومندفعة ,
ما رأيك ان تعيدي كتابة مشكلتك ولكن بعد يوم سعيد تذكري سعيد واعيدي صياغة مشكلتك ,
اخية الطيبة ليست عيبا ولكن العيب هو ان يكون الشخص مغفلاً !!
((هناك فرق))فأفخري بأن امك طيبة
اتمنى ان تلتحقي بدورات في فن التعامل مع الأخرين ,وفن حل المشكلات والتعامل معها
وفقك الباري
انا معك قلباً وقالبا اعتبريني اختك الكبرى ,فلعل اخواتك تشغلهم هموم الحياة لكن صدقيني انهم يحبونك ويسعدهم مايسعدك ,
هنيئاُ لك بأخ حنون وليكن نقطة البداية لكل اخوتك واخواتك