نـ؛؛ـسـمه حســاسـه

بيانات اضافيه [ + ]

رقم العضوية : 19901  تاريخ التسجيل :  04 2007  أخر زيارة : 05-12-2008 (10:19 PM)  المشاركات : 20 [ + ]  التقييم :  10

لوني المفضل : Cadetblue

هلا اختي بوح مره ثانيه ..
إممممم والله انا ما ادري وش اللي حيرك في ردي
وبان لك انه متناقض مثلاً ..؟
انا مشاكلي الرئيسية في الحياه هي :
الخجل / الرهاب الاجتماعي / الطيبه الزايده /
اسكت عن حقي بسبب عدم سرعة البديهه لان قلبي طيب
فما اتخيل المواقف اللي تحتاج لاندفاع ورد قوي يمكن لاني حساسه وبالذات ان مجتمعي وناسي طبعهم قاسي وشخصياتهم قويه يعشقون الظلم والتجريح ما فكرو بوحده مثلي حساسه وللاسف انا محتاره بنفسي شلون طعلت من بينهم بالطبع/وعن ابوي : انا تعودت من صغري على اسلوب معين من ابوي فلما كبرت صار عندي زي العقده وما اقدر اتغير
وبرضوه مو قارده انسى الماضي المؤلم / وامي : هي انسانه طيبيه تقريبا تعاني نفس معاناتي وانتي قلتي الطيبه ليس عيبا العيب ان يكون الشخص مغفلاً .. صحيح
بس والله هالزمن مايرحم يعني احس واشوف واتالم من الواقع على حال امي لان الناس ما تحترمها وتغلط عليها وتقلل من شأنها بسبب طيبتها وفوق كذا هي ما تقدر تغلط على أحد حتى لو كان حقها ما تاخذه من اللي أذاها ..
/ واخواني مثل ماقلت فيهم اصناف وأنا اعتبر نفسي اسوء
حاله في اخواني ممكن هم يعانون ماهم مثلي ابدا وخواتي برضوه كانوا يعانون بس كل وحده تزوجت واتغيرت مع حياتها الجديده .. يمكن لان مسار حياتهم اختلف وقدرو يغيرون
ان شاء الله ما اكون متناقضه في ردي لاني صااادقه بكل كلمه اقولها واما ما جيت هنا الا عشان افضفض ..
وعن الدورات انا ان شاء الله بحااول اني اخذها ..
وانا الحمد الله ما انكر اني بديت اتحسن .. بس يبغالي اصبر واواصل اكثر
وصار لي شي حمسني وشجعني على التغيير
قبل امس كنت في مناسبه وحاولت اضبط اعصابي قد مااقدر
لاني خجوله واخاف من الاجتماعات ويظهر علي الاحمرار والرجفه وريقي ينشف وقلبي يضرب بشده.. بس الحمد الله قبل ما اروح هيئت نفسي ولما وصلت المكان لم يظهر علي احمرار ولا رجفه وقلبي كان مرتاح نوعا ما < بس كان يبغالي اتحسن حبتين واصير طبيعيه
وانا فرحانه بهالنتيجه لاني قرأت هنا بالمنتدى وفي الكتب عن حالتي واستفدت واشوف نفسي إيجابيه لاني بديت استجيب واتغير ولكن لازم ابذل جهد اكبرر لاني توني في البدايه..