جـــــــود

اقيمت ندوه في جامعة الملك سعود عن (التحرشات الجنسيه) من سنتين تقريبا
حضرتها وانا مو متوقعه ان هالظاهره موجوده عندنا , او موجوده بندره .
لكن انصدمت باللي شفته وسمعته , ما تتصور وش كثر طلعوا بنات متعرضين لهذا الشي في مجتمعنا , كانوا البنات يتكلمون عن خبرات الطفوله المؤلمه اللي مرو بها . (طبعا الصوت مسجل ) . لا والمصيبه ان اغلب التحرشات اللي ذكروها كانت تجيهم من المحارم ! ! ! ومن السواق طبعا .
وطبعا السبب الرئيسي اللي ركزو عليه هم (الاهل) .
احنا نشأنا وتعودنا ان نكتم المسائل الجنسيه , وما نتكلم فيها بصراحه ،
واذا تكلمنا نحس بأنتهاك لحرمة التقاليد والاحترام الواجب علينا لأنفسنا ,
اقرب مثال رد (ادلع ياكايدهم عليك) يقولك عيييب عيييب .
للاسف كثير من الاهالي يشوفون انه عيب وعار انهم يتكلمون مع ااطفالهم
في بعض المسائل الجنسيه , بينماالاضرار الناتجه عن ذلك الصمت والتكتم يفتك بأطفالنا وشبابنا ..