نفساني - عرض مشاركة واحدة

18-09-2002, 10:48 AM

السلام عليكم

يا حليلك يا لمياء

بدأ العام الدراسي و بدأت معاه الإسطوانة القديمة

الله يعينك و مثل ما قالوا الاخوان هذا لأنك توك جاية من إجازة يا دوبكم مالكم الا أسبوع في الجامعة..

بس كلها كام أسبوع و تندمجي بإذن الله مع الجو الدراسي

أصلا دائما أول أسبوع يكون أصعب أسبوع

بعدين بالنسبة للاحباط و المعنويات الصفر...فهنا لازم تراجعي بينك و بين نفسك ليش دخلتي الجامعة ؟

يعني ايش هدفك ؟ ذكري نفسك بيه..دائما

بعض البنات عندهم الجامعة تحصيل حاصل..يعني لأنها خلصت الثانوية العامة و ماجاها نصيب تقوم ايش تسوي ؟ تدخل الجامعة بدل ماهي جالسة لا شغلة و لا مشغلة..و هذولي البنات بمجرد ما تتزوج تترك الجامعة..
لأنها أصلا ما دخلتها الا لتضييع الوقت..

و في بنات هدفها الأول و الأخير الوظيفة..عشان كذا تلاقينهم يدوروا التخصصات اللي مافيها تعب كثير و لا محاضرات طويلة..و يتأففوا من كل شيء و ما يصدقوا متى يخلصوا من الجامعة و يتخرجوا..

و في بنات يتعدوا على الأصابع و اللي تكون هدفهم الدراسة و طلب العلم و هذولي يستمتعوا بكل تعب و كل مشقة هذا طبعا اذا كانوا داخلين التخصصات اللي فعلا هم يبغونها..

أنا عندي أقعد في البيت و لا أدرس تخصص مالي رغبة فيه

لمياء عندك المكتبة المركزية قضي فيها وقتك

و بالنسبة للمحاضرات فهذا يعتمد على التركيز و على الدكتورة..بعضهم أسلوبهم ممتع و شيق و بعضهم الآخر شرحهم يجيب النوم

عاد هنا لابد من الصبر و طولة البال

و في كل الأحوال اذا كنتي داخلة التخصص عن رغبة...فماراح يكون هناك ملل بإذن الله..

الله يوفقك و ينجحك انتي و جميع أخوانك و أخواتك المسلمين و المسلمات.