|
ارجوكم اقرؤوه والله مش هياخد من وقتكو كتير
ياجماااااااااااااعة انا بكتب الموضوع دا هنا لاني شفت ان اكبر عدد من الزوار بيدخلو هنا واتمنى ان الكل يفتح ويقرا الموضوع
رمضان
رمضان هو موضوعي خلاص كام يوم وييجي رمضان
يا كل المنتدى لا ياكل الناس يا اصحاب الهموم والالام ويا اصحاب الامراض والاسقام بشرى مش هتتكرر السنادي
رمضان جه عشان يحل كل مشاكلكم
جه عشان كلنا نرجع للي خلقنا ونتوب نتوب عن كل الي عملناه وننقي نفسنا عشان تنزل الهموم من على قلوبنا
الله يخليكم دا مش شهر للاكل والشرب والنوم والسهر
خلونا نعمل حاجة جديدة رمضان دا
خلونا نصحى من الغفلة الي احنا فيها
انا مش وحدة متزمته انا انسانة عادية زيي زيكم
كل يوم بشوف قد ايه العرب والمسلمين بالذات في ذل ومهانة
خلونا ندعي ان ربنا يكشف عننا خلونا نروح للي خلقنا نترجاه يخفف عننا نترجاه يرحمنا خلونا نصحى
ياشباب يالي لسى الدنيا جيالهم خلو الحياة الي هيعيشها اولادنا احسن من الي احنا بنعيشها
خلونا كلنا نبتهل لربنا انه يحررنا من النار
خلو صوت الاسلام يعلى
خلو لرمضان السنادي طعم جديد غير اي رمضان فات
يالله نعمل حاجة جديدة تشرفنا لما نشوفها
يالله نحس ان لحياتنا اي معنى
يالله نسيب بصمة كبيرة هنا في المنتدى دا
بصمة كل الي ييجو بعدنا يشوفوها
يالله نضيف عالحياة عشان منكونش احنا اضافة عليها
يالله احنا كلنا مبدعين وعقلنا يقدر يعمل كتييييييير
الانسان صنع اعقد الاجهزة وطلع القمر يالله نحاول مع بعض ونحط ايدنا في ايد بعض
ونبتكر افكار جديدة في رمضان
انا عندي فكرة جميلة يالله نتفق ان كل الشباب الي بيدخنو يبطلو في رمضان
يالله كل المنتدى يبطل اغاني في رمضان
يالله نصمم تصميمات ونطبعها وكل واحد يوزع منها العدد الي يقدر عليه في المدينة بتاعته
يالله نبدع ونحس بطعم جميل وجديد في الحياة
تيجو نتفق من دلوقت كلنا اننا نصلي التراويح ونبطل نتهاون فيها
تيجو نعمل اجمل فريق ونتقابل يوم القيامة نقول يارب احنا مشفناش بعض بس اجتمعنا عشانك
مين معايه مين يحط ايده في ايدي
صدقوني هتنتهي كل احزانا ونفسياتنا هترتفع
ياالله ياشباب كل الي عنده فكرة يحطها وكل واحديبدع في الشئ الي بيحبه ارجوكم جربو رمضان دا وصدقوني مش هتندمو.....
|