المشاركة الأصلية كتبت بواسطة عازفة الوتر الحزين

دمعة خيانة
وعد اكون جادة واتكلم هنا كاني بتكلم مع نفسي تمام
انا انسانة عادية جدا
حكايتي او همي كان السبب فيه اقرب الناس ليه انا في البداية تقريبا في المرحلة المتوسطة كنت مثال رائع للبنت المسلمة صحيح كنت مغتربة ومش في بلدي لكن كنت عايشة اجمل حياة بالرغم طبعا من بعض الاحزان كنت دايما مشغولة بالدعوة لله والمحاضرات و و و
المهم لما دخلت الثانوية بدات المعاناة
مش بسببي
يمكن نسيت اقول ان الاسرة اللي اتربيت فيها اسرة تجنن بكل معنى الكلمة واكتر مابحب فيها اننا كلنا بتهمنا المشاعر اكتر من اي شئ في الوجود والكلمة الطيبة بتعني لينا كتيييييييييير
باستثناء فرد واحد
المهم
في يوم كان من اسوا الايام اللي عشتها بالدنيا اكتشفت ماما ان بابا متجوز واحدة تانية واللي حصل كان غير متوقع ماما ارتفع عندها الضغط لدرجة انها قربت من الموت ومن يومها والمصايب بدات تنهال علينا
بابا وعد ماما ينهي الموضوع وفعلا طلقها واللي عرفته ان مش عشان ماما لا عشان والده اجبره يطلقها لما عرف
المهم
ماما رجعت لبابا عشانا لكن عيشة الموت اهون منها
كل يوم بابا يقول لماما كلام كانه خناجر وانا اصبر ماما واحاول اهديها وكل شوية اشوف امي جثه هامدة قدامي كانها ميته
لدرجة اني كرهته كرهت ابويه
ليه؟؟؟؟؟؟؟؟؟؟؟؟ ليه يعمل معاها كدا ليه يجازيها على صبرها عليه وبعدها عن اهلها وكل المعاناة الي عانتها معاه بالجزاء الوحش دا
ليه ما تمرش فه الجميل ليه؟؟؟؟
ليه
ياجماعة والله العظيم ان امي انسانة فوق الرائعة اقسم بالله انها تتحب من غير ما حتى تتعرف والله ماتستاهل والله
المهم اني ادمرت نفسيا وكرهت الوجود كله
والامر والادهى اني سافرت انا وبابا واخواتي عشان اكمل دراسة في البلد الي اغتربنا فيه وماما فضلت مع اختي الكبيرة لحد متتاقلم عالجو في مصر لانها كانت داخلة اولى جامعة
وفي الفترة دي عشت ايام اااااااااااااااااه من الالم اكتشفت ان الوالد لسى بيكلمها
وبكل براءة اتصلت باختي الكبيرة عشان ماجرحش ماما المهم ان مش بايدي ماما عرفت واكيد بابا عرف لما كلمهم اني قلت وجا عندي واداني كف على وشي لحد ماموت مش هنساه ساعتها حسيت بكل الاحاسيس الوحشة الي في الدنيا مكانش في ماما عشان تحضني مكانش في حد حسيت اني تهت تهت تهت ومليش حد
المهم وبعدها بكام يوم بدات اكره الحياة وجت المشكلة التانية
اتعرفت على واحد وكان انسان كله خير بس للاسف المشكلة الكبيرة كانت في استحالة الارتباط بينا وكرهت الدنيا اكتر وحاولت ابعد عنه لكن كان مستحيل
المهم عدت الايام وعشت انا وماما كل هموم الكون وكان بيخفف عني الله يجزاه كل خير وانتهت دراستي ورجعت لبلدي وحضنت اختي الي اتحرمت منها سنتين كاملين بس ياخسارة بدات مشاكل جديدة
ان عيلة بابا كان موقفهم من مرات بابا غير متوقع خصوصا انها خلفت منه ولد وبدات الجروح من تاني محدش مقدر ماما ولاحد مراعي مشاعرها وكلامهم يجرح اوي وبابا مش ساكت هوا كمان مش مقدر كالعادة ومش قادرة اعرف هل ممكن تنتهي الامي والا؟؟؟