|
كونى مصدر الرقه والحنان يكن لك مصدر العطف والامان
السلام عليم ورحمة الله وبركاته
الحقيقه الموضوع ده وليد انى دخلت على كذا مشكله على المنتدى وكنت عايزه ارد او اساهم بس فهمتش سياسه المنتدى عموما هو الموضوع مش بعيد
المشكله الاولانيه هى الرجل عصبى ومعندوش تفاهم انا طبعا مش متخصصه ولا اى شئ ولا باتعدى على القائمين على المنتدى
بس بجد عايزه اقول رايى
هو ليه الرجل بيكون على طول بيتنرفز ؟
هو ممن يون ضغط الشغل ممكن يكون فيه قهر بشكل او بآخر من اى شئ
ممكن مش واخد وضعه فى البيت
ممكن زوجته ماتكونش فاهماه
ممن ماتكونش مدياه الحنان المطلوب والرعايه
هى الطبيعه اصلا فى المرأه الحنان والاحتواء وانها تعرف ازاى تشيل عنه اى حاجه هموم او ضغوط او ماتحسسهوش بالمشاكل
تدىه وضعه فى البيت او خارج البيت حتى ولو مش ادام حد تديه ثقته بنفسه
اكيد فيه ضغوط فى كل مجتمع وفى كل الفئات وفيه ظروف وكل ده بس برضه جميل اوى اننا نحمد ربنا وننظر لنصف الكوب الملئ وليس الفارغ
وندى امل ونقول كلام حلو
ونغير من اسلوب حياتنا مثلا"زوجى مابيقوليش كلام حلو...زوجى بيهملنى وعلى طول فى الشغل...مابشوفهوش الا وقت الغدا وبعدين بره مع اصحابه وباللبل جاى الاوتيل ينام...عايز كل طلباته وانا مابيسئلش عليا
الرجل بطبعه طفل انانى الا من رحم ربى طبعا
والطفل اللى جواه ده سهل او المرأه تكسبه لانها ام حتى وهى طفله جواها مشاعر الامومه
تقدر تحايله وتبتكر اساليب جديده لكسب وده وتخليه يعملها اللى هى عايزاه
لو هو بيحب الال ترضيه باروع الاصناف تخليه يتعود عليها وعلى وجودها ويألفها ومايستغناش عنها وعن حنيتها وهدوئها تبقى مصد الراحه والامان مش المشال والكلام المستفز
وتصبر عليه وتسايسه لحد مايعرف طباعها ساعات الرجل مابيعرفش انها عايزه كلام حلو
لو عايزه توجهه لحاجه بلاش نبره التحدى واختلاق المشاكل والعصبيه
ممكن بشكل تانى بهدوء عشان يتقبل انه يسمع اصلا الكلام
ممكن تقول له مثلا ياه ربنا يخليك ليا يا فلان انت كل حاجه فيك حلوه حتى لما بتتعصب بس بيبقى شكلك احلى او صوتك اجمل وانت بتتكلم بهدوء
بدل ماتقول له وطى صوت او انت صوتك عالى وبتتخانق
او مثلا انا بحبك اوى بس لو تبطل تتعصب عشان صحتك تهمنى ياحبيبى كده يعنى الكلمه الحلوه ليها مفعول السحر وهى ممكن تكون رفيقه وتلتمس له العذر عشان يشيل لها الكلام ده له بعدين
|