نفساني - عرض مشاركة واحدة - أكتب اي تجربة شخصية حصلت لك ومش قادر تنساها

29-08-2008, 08:03 PM

انا تجربتي مع الخوف والوسواس فظيعه وهي قديمه من 20سنه بدأت معاناتي بعد ما تزوجت كنت مع ا هلي وابوي واخواني وما كنت احس اني لوحدي ابداًتزوجت عمري 18 سنه ورحت مع زوجي عند اهله امه وابوه وخواته 2بس وكانوا مكتمين دائم ضايقين فيهم امراض نفسيه شئ ماتعودت عليه صرت حزينه مكتئبه ما فيه شئ يفرحني ما كنا نظهر ولانروح مكان كله في البيت
جاء لزوجي وظيفه في المكان اللي فيه اهلي بس بدأمعي الخوف اني اقعد لوحدي والوسواس اني باموت وعيالي ما عندهم احد وانه فيني مرض وافكار كثيرة الله لا يعودها لدرجة ان امي معي دائم اذا رحت مكان واذا ماشفتها يجيني حاله ابي اركض ابحث عنها
المهم عالجت عند دكتور نفسي ما فيه فائده حملت تركت العلاج ولازالت الحاله ما اروح مكان الا معي احد امي خواتي زوجي وهذي الحاله استمرت يمكن 5 سنين
لين انتقلنا بعيد من اهلي يعني ما فيه احد حولي والمنطقه اللي انتقلنا لها مافيه قريب مني الا بيت وكنت اتطمن لما اشوفه بس
علاجي لنفسي بدا بعد ان انتقلت لبيتي الجديد بدأت افكر وادور حل لمشكلتي وش اسوي يا ربي كنت لما اسمع سيارة زوجي ما عاد اقدر اتحمل ابي اصيح ماابيه يروح امشي في بيتي منا ومنا لين تخف الحاله
قعدت افكر في علاجي قلت ما فيه الا اني اتخلص من هالحاله ولا اخليها تسيطر كيف لما احس فيها اشغل عمري باي شئ اتحرك اشتغل في بيتي وكنت احس بالرجفه وسرعة دقات القلب والغثيان بس ما فيه كنت اصبروما اقول لاحد وابتعدت من الاغاني واتجهت للدعاء والاذكار وقراءة سورة البقره والصلاة باستمرار والنوافل واني اثبت عمري كل ما حسيت بالحاله
ولان الحمد لله لازلت مستمرة على القرأن واذكار الصباح والمساء والنوافل ولاستغفار وانا اليوم طيبه وبخير
اتمنى ان تكون تجربتي تفيد احد من اللي مصابين بالخوف والوسواس