دلوعــة وبكيفي

بيانات اضافيه [ + ]

رقم العضوية : 25041  تاريخ التسجيل :  07 2008  أخر زيارة : 27-09-2008 (11:36 PM)  المشاركات : 10 [ + ]  التقييم :  10

لوني المفضل : Cadetblue

قصتي المجنوونة

سلاااااااام

انا هوون جديدة وبقلكم قصتي وياليت اسمع ارائكم

أنا بنوتة عادية ماكنت افكر لابحب ولابعلاقات ولايحزنون
صح انه كان عندي شباب عالمسن بس كنت بس اكلمهم عشان اتسلى واقضي وقتي
المهم مرة من المرات دخلت الشات وتعرفت ع واحد موت عجبني وطبعا صرت اكلمه ع المسن بالبداية كنت مو مرة مهتمة وهو كان عنده منتدى وكان جديد يمكن الاعضاء مايتعدو 20 المهم انا سجلت بالمنتدى وكنت 24 ساعة وانا عليه وهدا الشيء زاد بعلاقتنا اليم ماحذفت كل اللي عندي عالمسن واخدت وعد ع نفسي ما اكلم غيره
وصرت اعشقه بجنون وهو كان يبادلني نفس الشعور ومرت ع علاقتنا 7 شهور واحنا عاشقين وطلب مني بعدها اكلمه عالجوال وكلمته بس ماكنت مرة اكلمه لاني اخاف من اهلي 00
بس كان بيننا مسجات كل يوم عشان انا كنت اصلا مشغولة بدراستي
المهم كنت ادخل باليوم ساعة عالمسن والمنتدى وباقي اليوم ارسله مسجات والصباح اكلمه عالجوال وانا رايحة بالسيارة يعني يومي كله له وحياتي كلها له00
المهم مرت ع علاقتنا سنة واحنا جدا تمام وعلاقتنا كانت مرة طاهرة يعني مافيها كلام مو طيب 00
وكنت احسه يخاف عليا من النسمة يعني لو احد بس بالمنتدى ارسلي رسالة ينجن ويديه باند
وانا كنت نفس الحاجة يعني انجن لو اشوف وحدة تكلمه واقوم الدنيا عليها وخليها تكره نفسها
المهم بعد علاقة دامت سنة حصلت مشكلة كبيرة بيننا بسبت بنت كنت شاكة انه بينهم حاجة وسبته اسبوعين مادخلت النت وكان يرسلي مسجات وانا مطنشته وبعد اسبوعين ارسلي مسج يترجاني اكلمه وكان الصباح وانا كنت غايبة عن المدرسة ارسلتله مسج كله سب وعتاب رجع اتصل عليا وماحد كان عندي بالبيت وكلمته وكان يا عيني عليه يبكي ويترجاني ارجعله وانا جلست ابكي ودخل عليا اخويا وسحب الجوال وعرف اني بكلمه وانا من كتر ما احبه قلت لاخويا انا حبه وابغاه طبعا ضربني هزاني وعل كل شيء وراح كلم حبيبي وهزاه واخد الجوال مني والكمبيوتر 00
وكان بقي ع اختبراتي شهر ومن بكرة رحت المدرسة واخدت جوالي صحبتي وكلمته وقالي لاتخافي انا معاك
واستمرت علاقتنا وغلق الفصل الاول ورجعلي اخويا الجوال وماتكلم ولاقال لاحد ع اللي صار
وانا استمرت علاقتي فيه ورجعت معاه زي زمان حب جنوني وسافرت ع مدينته وقابلته بس كنت لابسة العباية يعني ماشاف وجهي
ولما جيت البيت ارسلي مسج بيتغزل فيا وقريته اختي وعصبت عليا وحاولت اهدي الوضع عشان وقلتلها يمكن احد غلطان بس هي راحت وقالت لاخويا وطبعا هو شاف الرقم وعرف انه حبيبي
هزاني مضبوط بس ما اخد الجوال
وانا استمرت علاقتي معاهـ وطنشت الكل 00
ولما رجعت مدينتي فتحت المنتدى وجاء اخويا وشاف المنتدى وهنا عصب وراح قال لاهلي ع كل شيء وبعدها تغيرت حياتي
انسحب الجوال مني من جديد والكمبيوتر 00
وكنت زي الشيطان وسطهم الكل يحتقرني وماحد يبغى يكلمني
وانا كنت اكلمه بالمدرسة بس مو كل يوم يعني يمكن مرة بالاسبوع بس اطمنه عني وبدات شويا ترجع حياتي يعني بعد مرور 3 شهور الجوال صاير يرجعلي مرة بالاسبوع عشان دراستي والكمبيوتر خير شر مو معايا
صرت ادخل المسن كل سبت من كمبيوتر اختي بس ما اطول يمكن نص ساعة يعني علاقتنا بدات تدهور وبدات تتلاشى
المهم مرة فاجاني انه بيكلم وحدة وانها 00000 كلام ماينقال طبعا
قلتله سيبها قالي حاضر ياقلبي بس في شغله تبغاها مني 00
اخدته ع قد عقله وقلت خليني ابعد المشاكل وقلتله براحتك
زود حده بعلاقتها وصار كل مرة يعصبني بزيادة بعلاقته فيها الين ماوصل حدي وقلتله روحلها نا مابغاك وجلست اشتمه وقلتله انت لعاب وانت وانت 000
هو قالي براحتك بكيفك وابغى اروحلها 00
وطبعا ذبحني بحركته هده وشغلت نفسي بدراستي بس كنت مني عايشة بس جسد بلا روح يعني عندي كل شيء عادي الضحك زي البكاء وانا من النوع اللي مرة مرحة يعني بس العب 00
الكل لاحظ عليا بس كنت اعتذر بدراستي واني ابغى اجيب نسبة حلوة00
ومرت 3 شهور عالحال هدا وانا بعدت عنه كانت تجيني ارقام ع جوالي وكل مرة اتوقع انه هو
بس ماكنت ارد00
وتخرجت من الثانوي ويوم الشهادة ارسلتله مسج وقلتله اني نجحت واني تمنيت يكون معايا بهدا اليوم
ارسلي بعدها مسج كله حب واعتذار وانه ندمان وووووو
المسج اللي ارسله ليا رجعني للحياة حسيت روحي رجعتلي كلمته عالجوال انا ابكي وهو يبكي ويعتذر وانا اعاتب ع خفيف
ورجعت البيت وانا الدنيا ماهي شيلتني اكل يحسب عشاني تخرجت وماحد يدري انه روحي رجعتلي 00
تراجني ارجعله وانا مارضيت بس كنت اقهره وقلتله اني تعرفت ع واحد جديد بعدها قالي حتى نا تعرفت ع بنت جديدة بس كانت علاقتنا مستمرة وحبي له يزيد بس ماعترفتله
ومر شهر واحنا عالحال هدا بعدين سافرت مدينته وقلتله اني سافرت هناك وخليته يجيني البيت ومن عند الباب شافني وانا شفته وكانت الدنيا ماهي شايلتني يعني اخيرا شفته وشافني زي الناس
المهم هو مرة انخبل عليا وقالي بصراحة ماشفت احد زيك
ورجعت مدينتي بعدها واستمرت علاقتنا بس انا كنت لسه بكلم غيره وهو كان لسه بيكلم غيري 00
وكانت فيا نار ماهي راضية تنطفىء يعني انا احبه اوكي بس هو خانني
اخوه كان يكلمني عالمسن باستمرار ويقلي هو يحبك والله وهو مايحب هده البنت واخدها تسليه وانتي حبه الاول والاخير بس انتم بطلو التكبر اللي انتم فيه انتم ماتقدرو تستغنوا عن بعض يعني كلام هيك شيء
انا كنت لسه مقهورة منه رحت المنتدى واعرف انه الحركة حقيرة بس كانت لازم اطفي النار اللي بقلبي واخدت ايميل صاحبه وكلمته عالمسن وصارت بيننا اشااايء كبيرة
صاحبه من النوع اللي يسجل المحادثات سافر وحط الايميل عند حبيبي لما فتح حبيبي الكمبيوتر شاف المحادثة كلمني وواجهني وكان مرة معصب ويقلي انتي طعنتيني بظهري انتي خاينة كلام كبير
انا لحظتها كنت مصدومة لاني دوبي كلمت صاحبه مالي اسبوع وقلتله انت اللي علمتني انت السبب وصار بيننا مناقشة وعتاب
بعدينا قفل هو المسن وانا جلست يومين ابكي ع اللي صار مقهورة
وبعد اسبوع دخلت المسن بعد ماوعدت نفسي اني ما بكي واني راح اخليه عادي بحياتي او حاجة طنشته وماكلمته وبعدها قام وفتح الموضوع ورجعنا تناقشنا وهو يعاتب وانا اعاتب وبعدينا قالي انتبهي ع نفسك هدا الطريق مو طيب وانا بجد خايف عليك
والله انا مني من النوع الخاين انا حتى النظرة ماطلها برجال عشانه بس كنت مقهورة وابغاه يذوق اللي ذقته وقلتله احسن ذوق من الكاس اللي شربتني ياها
المهم طنشته بعدها اسبوع وبدين دخلت المسن واللي بيننا كم كلمه بس سلام
وبعد كم يوم كلمني عالمسن وارسلي اشعار وحركات هيك كلها عتاب ع الخيانة وانا كنت اخدة الموضوع ضحك يعني اجلس استهبل عليه
لاني ما ابغى اتناقش معاه وافطر نفسي
واليوم كلمني عالمسن ولاول مرة بعد مرور 5 شهور نتكلم عادي وبدون مناقشات حادة
وجلست معاه 4 ساعات ووراني صور اهله وعيال اخوانه يعني كانت حلوة الجلسة معاه وطلب مني ارجع المنتدى وسالني ادا كنت اكلم صاحبه الين دحينا والا لا ويعني حاجات هيك
انا مرة انبسطت اليوم انه ماصار بيننا عتاب وكلام زي كل يوم00
ادا بتسالوني تحبيه اقلكم مادري وادا بتقولوا تكرهيه برضوا اقلكم مادري
انا مني عارفة بس احس اني لازم اكلمه القى نفسي من غير شعور فتحت المسن
وافتح المنتدى واطمن عليه 00
بس اقسى عليه بكلامي يعني اشتمه استهبل عليه وحاجات هيك00
صحباتي يقلولي حددي موقفك وانا والله ني عارفة انا ايش ابغاه
مادري احبه والا لا؟؟ والا هو بس تعود
ومادري هو يحبني والا نفس الحال متعود عليا
انا مرة محتارة بعلاقتنا يعني بعد الحب المجنون وصلت لحيرة
بس الشيء للي اعرفه انه بكل صلاة ادعي انه ربي يرحمه ويخليه يسيب الدخان ويبعد عنه كل شر

هده قصتي انا دوبي متخرجة من الثانوي وهو عمره 25 سنة
وادا ع التاني اللي اكلمه هدا اخدته عشان انسى حبيبي بس مني قادرة لانه مرة ماحسيت شيء ناحيته ويعصبني باسلوبه كتير

ياليت اسمع ارائكم واتناقش معاكم ع الموضوع

المصدر: نفساني