معانده الهم

بيانات اضافيه [ + ]

رقم العضوية : 24089  تاريخ التسجيل :  05 2008  أخر زيارة : 08-01-2010 (01:31 PM)  المشاركات : 601 [ + ]  التقييم :  10

لوني المفضل : Cadetblue

السلااام علييكم

شخبارج فديتج ؟ انشالله تمااام

اخبار الدنييا وياج ؟ انشالله كل شي اووكيه =)

بسم الله نبدا الجد =)

احين اما تقنعيني بوجهة نظرك او اقنعج

وحطي في بالج فديتج اي كلمه او أي حرف ينكتب اهوو لمصلحتج

في البدايه بسئلج :

اهوو كم عمره ؟

وانتي كم عمرج ؟

وليش اخووج رافضه ؟ اكيد له اسبابه ماتووقع انها سالفة عناد

والسؤال الاهم

انتي للحين تثيقين فيه ؟

اهوو للحين يثق فييج ؟

فكري فيها بمنطق شتسووى عليج انج تنفضحين وتنشتر سالفتج بين الناس

وشيضمن لج انه خوش ريال وانه يبييج صج مو تسليه او له غررض

ياخذه منج سواء بملجه او بدونها ؟

الحين لنفرض انه طلع جااد بكلامه وتزوجج وعشتوو مع بعض

اول شهر شهرين كل شي ماشي اووكيه بس غصبن عنه الواحد الشطان بيوزه

انه يشك ويفكر ومثل ماقالت الدنيا حلووه

اذا اهو ما شك فيج انتي بتشكين فيه انه يكلم غيرج وانه يخوونج

وبتدوورن بدائره مفرغه وهي دائرة الشك الين ينتهي الحب

بعدين فديتج لا تنسين انه الشي اذا كان في معصية الخالق بتروح عنه البركه

وبسئلج احيين مو تقولين تركتيه لمدة 3 شهور ؟

هل كانت برضااج ولا غصبن عنج

ما تووقع برضاج

نصيحتي لج فديتج

اتركيه من نفسج ومن رضااج وبرغبه خالصه لوجه الله

صلي بالليل واطلبي ربج انه يخلصج من هالهم والمصيبه

وكووني صاااااادقه ونيتج صاادقه عشان الله يتقبل دعاائج

وتذكري داايما ان اعضائج تشهد عليج اصابعج اللي تطق طقين فيهم عل الكيبوورد

باجر بيشهدوون عليج انج استخدميهم في الكتابه بالمعصيه ما استخدميتهم عشان تستغفرين وتذكرين ربج

وتـأكدي فديتج اذا انتي اخلصتي النيه لله وتركتيه مو عشان انج مليتي
ولا عشانه خاانج لااا عشان الله صدقيني انه بيعووضج باللي احسن منه



ناقشيني فديتج قولي لي وين الغلط بكلامي ولا شنو تفكرين فيه

احنا هني مثل ما قلت لج نسااعدج والله يكتب لج اللي فيه الخييير