نفساني - عرض مشاركة واحدة - التلعثم في الكلام هو سبب رهابي الإجتماعي. :(

20-09-2008, 04:15 AM

اختي الدنيا حلوة ، أقسم بالله انك أول وحدة تريحني بجوابها لأنها شافت مرضي وتعرفت عليه.
الله يخليج اختي والله انج اسعدتيني بردج.
ربي يعطيج كل العافية ويزاج ل خير.

حبيبتي أولا أنا واااااااااااااايد متشوقة اعرف منك الخطوات والطرق اللي عرفتيها من الطبيب حق اخوج، أنا ولا عمري جربت حد يساعدني... ديما كنت لوحدي أحاول احل مشكلتي بنفسي، لأني ما احب الشفقة ولا السخرية لأني واااااااااايد حساسة..

وتعرفين اني فكرت في مثل خطة اختج؟ قلت في نفسي والله قبل أيام قليلة اني أحسن اكتب رسالة (لأن صعب عليّ افهمهم بالكلام لأني بخاف واذا خفت بتلعثم اكيد) لذلك فكرت بأنو اكتب رسالة الى أحد المدرسين لي وهو الحمدلله عربي لذلك فكرت أكتب الرسالة بالعربي اسهل لي وبعدين بعطيها له وهو يشرح لباقي المدرسين، بس أنا واااااايد بخجل اذا عرفو فيها الطلاب (يعني اذا المدرسين قالو بمشكلتي قدام الطلاب).. ابي اسالك كيف وضع اختج ويا الطلاب؟؟؟ هل يعرفون مشكلتها؟؟؟ وصراحة مادتي تطلب وااااااايد عروض امام الطلاب، الله يستر..!!!!

حبيبتي أما بخصص اسئلتج:

1- متى تأتاين .. بكل الاوقات؟؟ ولا لما تكونين مع الناس

ومع هلج والناس المقربين .. تتأتأين؟؟

اتأتأ لما بكون مع حد أكبر مني، يعني ناس أعرفم أو ما أعرفهم، حتى قدام اختي الكبيرة مرات بتأتأ معاها، لكن كل اللي أصغر مني والأطفال بتشجع وبتكلم من غير تأتأة.

2-شنهي الحروف اللي تشيرين فيها ؟؟ حبيبتي ما فهمت هذا السؤال جيدا... اذا قصدج اي حروف بتأتأ فيها فهي معظم الحروف، لكن مرات بستعمل اشارات اليد عشان اقدر اساعد نفسي في الكلام، لكن هالأيام صرت وااااااااااااااايد سلبية (يعني بقول في نفسي رح تأتأين في أي موقف بسيط وبعدها فعلا بتأتأ :( ).
المهم حبيبتي بنتظر ردج عليّ ، ومرة ثانية اقولج جد اسعدتيني بكلامج، كله أمل و راااحة.

الله يخليج لكل اللي يحبونج وتحبينهم.