الاسامي

بيانات اضافيه [ + ]

رقم العضوية : 17370  تاريخ التسجيل :  08 2006  أخر زيارة : 27-04-2011 (01:44 AM)  المشاركات : 34 [ + ]  التقييم :  10

لوني المفضل : Cadetblue

ياهو قربت اعنننس

السلام عليكم .........وكل عام والجميع بخير
كنت مفكره اني الوحيده الي اعاني من الارهاب الاجتماعي اتاريه ليه معجبين كثار ههه عفانا الله
المشكله معاي من زماااان بس ماكنت الاحظ لاني اتعودت على صديقاتي نفسهم ماتغيرو من ايام الابتدائي الين الثانويه...عشان كده ماحسيت فيه...لاكن كان موجود بدليل اني اخاف او اتحاشى اتعرف على اي صديقه جديده واتاكدت اكثر في اول مره يطلب مني المشاركه في الاذاعه الصباحيه....طبعا مو شجاعه مني لا بس وحده كان مطلوب منها انها تلقي الحديث الشريف ويومها غابت ومالقو غيري يسد مكانها.( من سوء حظهم طبعا)..صراحه انا كنت احيانا اشعر اني جريئه والغالبيه كانو يفكروني جريئه فعلا ..المهم وقفت قدام المايك وشوي واتنافض انا وورقتي والصوت قسم بلله فضيحه رعب وخوف مو طبيعي والمصيبه اني ماواجهة الجمهور يعني الاذاعه كانت في غرفه بعيد عن الطابور يهني الجمهور مايوصله غير الصوت ...طيب ليش خفت ليش تنافضت وكانهم شبكوني في كهربا 120 فولت !!!!!
والان كل ماكبرت اشعر اني افضل العزله اكثر ماابغى احضر لا افراح ولا زيارات ولا شي ودايم اتحجج بامور كثيره المهم مااشوف الناس ...وصراحه انا الان تعديت 30 سنه وللان كل ماجاني عريس طاااار ...احيانا ارفضه واحيانا اكشرفي وجهه (في الشوفه الشرعيه) ويبان علي الارتباك ...مادري العريس بعدها يختفي..اكيد فكرني مهويه ...مصيبه من جد كيف حتزوج ...بس الي متاكده منه اني احب كل الناس ولمن اتعرف على مجموعه يحبوني ويتعلقو فيا وانا كذلك ..بس للاسف الدوام لله اغلبهم تزوجو والباقي توفوا ...وانا مادري ايش حيكون مصيري ..مافي غير هالنت اطقطق فيه ..والله المستعان...والشي الثاني الي مزعلني .بسبب هلمرض اعتبر قاطعة رحم ...مااتصل على عماتي وخالاتي غير في الاعياد وبعد مااصلي صلات الاستخاره ميه مرا ..وربي احبهم بس مادري اخاف اكلمهم.
ياترا للي في حالتي ليه علاج وهل في المدينه المنوره في دكتوره نفسيه لاني صراحه اخاف من الحبوب ..واسفه على الاطاله

المصدر: نفساني