نفساني - عرض مشاركة واحدة - التلعثم في الكلام هو سبب رهابي الإجتماعي. :(

20-09-2008, 11:01 PM

باااك ..

رجعت لج ..

توكلي على الله وكملي الجامعه

اما بخصوص اختي .. فـ وضعها عادي جدا .. وتقولج

الطالبات يعرفون بمشكلتها ,, ومو مثل ماتتوقعين ان البنات

ممكن ينظرون لها بشفقه ولا شي

بالعكس ..

انا اللي مافييييني شي !!.. استحي اعرض.. وهي ماشاء الله

شاطرة وتعرض واشطر مني بواايد ,,ماشاء الله عليها

يعني انتي ولا يهمج.. ماعليج من البنات اعرضي وتكلمي

ولا تفكرين انج راح اتأتأين ,,

وانتي رايحه المحاظرة في الطريج .. قولي انا جررريئة
انا مافيني شي.. انا اتكلم حالي حال البنات..يوميا

اقنعي نفسج انج مافيج شي.. وفعلا اصلا مافيج شي !

يعني لو فكرتي فيها انتي مافيج لا رهاب ولا تأتأه

بس مجرد موقف صار لج اثر عليج ,,,

ولازم تتحدين نفسج واللي صار معاج وتتجرأين نفس اخووج ,,

اختي وامي اخف شي ,, اما اخوي وااايد

تدرين لييش؟؟

لانه اختي كانت تحفظ القرااان .. وخف علييييها وااايد واييد

وامي كان فيها وايد .. والحين خف لانها دشت دورة تحفيظ من كم شهر

القران صدقيني بيساعدج وايد .. ومن اهم طرق العلاج

انج تقرين القران بصوت عاالي .. وماراح اتأتأييين

لانج ترتلين وهالشي راح يساعدج على نطق الحرووف وجذي..

اما اخووي.. مافكر يفتح القران ولا يقرى ولا شي.. عايش حياته جي

ومو متأثر عادي عنده ,,

علشان جي هو اكثر واحد .. فيهم .. وبعد عادي عنده والحمدلله

وبعد عندج خالة ريل اختي ,, فيها هالشي

والله ماشاء الله عليها ,, من اشطر بنات البلد ,, واطلعت برع تدرس

ومتخرجه بامتياز .. لان اهم شي عندها تكسب كل لحظه في حياتها

وماتضيعها..

اقعدي مع الناس ولا تخافين .. وحتى لو بتأتأين .. عادي مافيهاااا شي ؟؟

مابتموتين .. عيشي كل لحظة بحياتج ولا تفتكرين .. كل اللي بنفس مشكلتج .. عايشين حياتهم ومكملين تعليمهم.. لاتخلين هالشي يأثر

عليج .. انتي اقوى من كل هالاشياء..

واذا ماتقدرين تعرضين تقدرين تكلمين الدكاترة.. بيتفهمون حاالتج ..

كلمي الكبار مثل ماتكلمين خواتج الصغار.. اعتبري هالحياة تلفزيون

لازم تبتدين خطوة بخطوة..

انا ادري انها صعبه .. بس شوي شوي

يعني بالتدريج.. تقربي من هلج اول شي.. وتكلمي معاهم.. اهم عارفين حالتج

وعاادي .. .. سولفي.. اضحكي.. عبررري

وتعرفي على بنات بالجامعه .. بالعكس لو تتعرفين ووجذي

بتنسين حالتج .. وبتندمجين معااهم .. وتنسين التأتأه بعد

اما بالنسبه للطرق شووفي:

1- انج يوم اتأتأين .. لا توووقفين.. كملللي ..

يعني مثلا صعبه عليج تنطقين حرف الخاء

مثلا كلمة : خلووود

خل احط لج الحركات بالاول عشان تفهمين

خـُـلود

وماقدرتي تنطقين الحرف

دشي على الحركه على طول

يعني قوولي

خـــولوود !!

وبتقدرين تنطقينها صح

مثلا

أَحمــد

دشي على الحركه اللي بعد الحرف ..

يعني

أآآآحمد .. مديها شوي.. وبتقدرين تنطقينها

اتمنى تكونين فهمتي علي !!

انتي جربي مع الحروف اللي تشيرين فيها

ودشي على الحركه على طوول.. لا توقفين !

2 - تكلمــي بصوت عــالي.. وماراح اتأتأين

يعني اخوي ساعات يتكلم بصوت عالي .. اقوله ليش تتكلم جي

شوي شوي هههههههه.. يقولي علشان ما أتأتأ

والحمدلله خفت حالته وااايد ..

3- العلاج الجمـاعي :

يعني انتي تقولين مب انتي بس اللي فيج هالشي

علشان جذي

قعدي انتي وخواتج واخوانج

واقروا القران بصوووت عالي

واااايد بتستفيدين ..

واذا محد يقرا وياج

اقري بروحج ورتلي وعلي صوتج.. وبتشوفين النتيجه ان شاء الله

:)

سوري عالاطاله