إنكسار

بيانات اضافيه [ + ]

رقم العضوية : 25956  تاريخ التسجيل :  09 2008  أخر زيارة : 08-10-2008 (02:18 AM)  المشاركات : 6 [ + ]  التقييم :  10

لوني المفضل : Cadetblue

ممكن دكتور .. ؟

السسلام عليكم ورحمة الله وبركاته ..
بدخل بالموضوع على طوول ..
بصراحه دكتور مااعرف وش اعاني منه بالضبط ؟؟؟ ابي احد بس يدلني على الطريقه الصح عشان اتجاوز هالمرحله لاني تعبت من جد ..
انا آنسه وعمري 24 سنه .. متخرجه من الكليه قبل سنتين كنت ايام الدراسه مثاليه ومتفوقه محبه للحياه
هذا مايمنع اني كنت اعااني من مشاكل بحياتي بأيام الدراسه .. لكني كنت قويه احاول استفيد من تجاربي قدر المستطاع واحاول
اطور نفسي .. ماادري وين تلاشت هالقووه ؟؟؟ الغريب بالامر اني كنت ملاذ لكل صديقاتي وبئر أسرارهم .. كنت الاقي لمشاكلهم
حلول جذريه .. حتى خالاتي اللي اكبر مني كانوا يستشيروني بعلاقاتهم مع ازواجهم وياخذون برايي ..
بعد تخرجي تعرضت لمواقف كثيره هزتني وكرهتني بالحياة ؟؟
كنت احب شخص وكان يبادلني نفس الشعور وبالفعل خطبني لكن ابوي رفض من غير حتى ولا مبرر ؟؟
حاولت انساه واتمنى له الخير من كل قلبي .. اقنعت نفسي ان كل شي نصيب وان شاء الله بالامر خير لي .. بس ماانكر
اني تعبت .. بعدهاا بفتره توفى اخوي بحادث سياره ..كان هالحادث بداية (انكساري) .. ماراح اقول وش صار ؟ ولا وش حسيت فيه
لانه مو مهم .......
بس ابي منكم مساعده واكوون شاااااااكره ومقدره ..
ابي اساعد نفسي .. لو استمر على هالحال بيكون مصيري الجنووون ايه الجنووون .. ماادري وش اعاني منه بالضبط اتوقع انه اكتئاب
بليز لاتقول زوري طبيب نفسي .. لانه لو الامر بيدي كان مادورت عن الحل بالنت ..
كان اختصرت طريقي ورحت على طول للدكتور .. لكن الامر موبيدي .. ولا اقدر اروح له ؟؟
ابي اعرف بس ..
ممكن اتعالج عن طريق النت بس ؟
ممكن اخذ ادويه من النت ؟؟ تكون تناسبني ؟؟
.....
الاشياء اللي مضايقتني كثيره ..بكتبها كلها يمكن الاقي من يدلني وينقذني بكلمه
19 احس بكآئه شديده وتشآآؤم وخووف من كل شي .. اخاف من الوحده ومن الضلام ..
2 نومي ابد مووووو مستقرر ؟؟
3 اذا نمت احلم احلام مززعجه كأني اسمع صوت بحر او هواء كأني بعماق بحررر ومرات احلم بأحد يضربني بس موضرب قوي
بس احس بخوووووووووف منه .. واذا صحيت من نوومي بعدهاا مااقدر اكمل نومي الا بحض امي ..
4 فيه شي لاحضته بنفسي !! ضايقني كثير !! احس اني صرت (حقوده) مع اني ماكنت كذا ابدآ
وماابي اصير كذا ؟؟ وهذا اكثر شي حسسني اني رااح اوصل للحضيض اذا اهملت نفسي ....
اكره اي انسان احس انه سعيد ؟!! مرات احس اني اكره حتى ابوي !!؟ للعلم ابوي قاسي علينا من صغرنا .. كنت متحمله
لاني عارفه ان ابوي يحبنا بس هو عصبي شوي ومتحجرر(مثل كل الشيبان بهالوقت)
5 مرات احس بخووف شديد احس ان احد بيدخل علي فجأه ويضربني (مع العلم اني من دخلت الثانوي تقريبا ماقد احد مد يده علي )
بعض الاحيان احس فيه شي بيصدمني بوجهي او شي بيطيح علي من فوق وكنت اخاف منه بس مدري شنوو ؟؟
وقتها يجيني احساس اني راح اموت بحادث سياره !
6 كثير ابكي من غير سبب ابكي من قلب زي الاطفال !!
7 مااحب اطلع من البيت ابد ومااحب اشوف احد ولا اتحمل من احد اي كلمه ولا اي مجامله ولا ابي احد يواسيني ولا ابي احد يجلس معي
ابد.... قبل فتره قدمت على مدرسه اهليه .. وقبلت فيهاا فرحت عشان ابي اطلع من هالكئآبه اللي عايشه فيها
لكن المصيبه !! ماقدرت اكمل اكثر من اسبوع وقدمت استقالتي على طول ؟مالقيت الراحه حسيت اني تعبانه ومحتاجه افهم نفسي
قبل اقدم على اي خطوه ..مدري وين راح الحماس التفاؤل النشاط المثاااليه ؟؟!!
.......
اشياء كثيره احس فيهااا .. ونفسي الاقي لهااااا حل بس ماني فاهمه نفسي ولا عارفه كيف ابدأ !!
كلام كثير ماقلته بس مااقدر اكمل تعبت من النت كله وحاسه اني قاعده اتعلق بقشه
آسفه اذا قلت شي ضايقكم .
واعتذر اذا كان كلامي مو مرتب ومخربط شوي (كتبته على عجل)
اتمنى اني اكون قدرت اشرح لك ..
آسفه على الاطاله ..

المصدر: نفساني