نفساني - عرض مشاركة واحدة

29-09-2008, 02:23 PM

هموسه ابشري بذكرلك أول موقف طرى على بالي يوم قريت عنوان الموضوع ..

هذا وأنا أختك لمّا كنت صغنونه في أول ابتدائي
اصبحت لك ذاك الصباح الجميل..
وبالعاده أبوي هو اللي يوصلني للمدرسه..
والله وآصل المدرسه وتوني داخله من البوابه إلا ألقى بوجهي ذيك البنت الله يذكرها بالخير..
وبكل براءه تسألني .. شنطتك وينها..؟؟

:وينها ..وينها..شنطتي

وماتشوفين غير غبرتي..>>شنطتي مو حياالله

أنطلقت للشارع ..إلا السياره مو موجوده..!!
والدنيا كانت ممطره والأرض منقعه..
وأنا ولا همني أحد مغير أصارخ تقل أم مضيعه عيالها..ههههههههه

وجت في بالي فكرة الرجوع للبيت ..!!
المشكله البيت بعيد شوي عن المدرسه((مدري وين مخي ذاك اليوم..وإلا اللي بيشوفني بيحسبه حرصن ع الدراسه))
المهم سويتها وحاولت ارجع للبيت ..
ويوم قربت من بيتنا إلا أمي تعلمني بعدين..
تقول أسمع صراخ كنه صوت بنتي وأتعوذ من الشيطان.. البنت الحين يمديها في المدرسه!!!>>لا يا ماما هذي أنا جيت

وادق الباب إلاوتفتحلي أمي .وأنا صياح وشهاق على هالشنطه..
وتهدى روعة امي ..وتغيرلي مريولي اللي طافشت به في ذا المطر..
وتكلم ابوي يجيب الشنطه اللي بالسيارة ويرجعني للمدرسه..

عاد يوم وصلت المدرسه هالمره لقيت المديره بكبرها في استقبالي..!
وتقعد تفهمني مايصلح كذا وكذا مايصلح ..!!
وأنا اناظرها مستغربه!! عسى ماشر يامرت خالي

ترى ماخوفتيني

<<(قوية عين)

سبحان الله على اني كثييييييير أنسى إلا أن هالموقف كأنه قبال عيني ...

والحين اذا مريت بالشوارع اللي فحطت فيها برجليني لازم ابتسم واوريتها اخواني..

أما مواقف المتوسط والثانويه ماودي اكثر عليكم خربطه خخخخخخخخ..

كل الشكر لك هموسه ع هالموضوع الحلو ..