um jana

بيانات اضافيه [ + ]

رقم العضوية : 25674  تاريخ التسجيل :  08 2008  أخر زيارة : 27-12-2009 (06:44 AM)  المشاركات : 14 [ + ]  التقييم :  10

لوني المفضل : Cadetblue

مشكلتي مع بنتي

السلام عليكم ورحمة الله وبركاته
أنا وزوجي انفصلنا من 3 سنين و أنا عايشة عند أهلي وهو عايش عند
والدته ومعاه بنتي في بلد ثانية, هو بيسافر كثير نظرا لظروف شغله و
البنت بتكون عند جدتها و عندها مربية لأن الجدة كبيرة في السن.
أول ما حصل الانفصال بنتي كانت صغيرة جدا و الآن عمرها 5 سنين و
بدأت تفهم و خصوصا انها شايفة كل اللي حواليها مع أمهاتهم, زي
صاحباتها في المدرسة و قرايبها, طبعا هي عارفاني و عارفة اني
موجودة بس مع الأسف لما كانت أصغر كانت بتتعامل معايا أحسن
احتمال عشان كانت مش فاهمة الموضوع و لكن الآن بحس انها
بتخاف مني, أنا والله عملت معاها المستحيل عشان الخوف يروح
ولكن بدون فايدة, بكلمها على التليفون مش بترضى تكلمني و ببتعلها
مسجات بسيطة عشان تعرف تقرأها وتفهمها و لكن لا حياة لمن
تنادي. والمشكلة انها بتتعامل مع كل الناس عادي من غير خجل
حتى لو كانت أول مرة تشوفهم أما أنا لأ, ده غير اني بعرف أخبارها
من الناس مش منها,
طبعا الموضوع بيموتني, لأني بسأل عليها يوميا و لسه زي ما هي,
كم مرة حسيت اني لازم أبعد شوية و أشوف يمكن البنت مش حابة
اني أكون معاها, بس أول ما تعرف اني بعدت شوية, تنهار و تحكي
لعمها و هو بيكلمني و يحكيلي اللي حصل ف بضطر أرجع أحاول
ثاني بس نفس الحكاية مش بترد عليا, طبعا أنا الكلام اللي بيوصلي من الناس
انها بتفكر فيا و دايما بتسأل عني و ان أنا أغلى حاجة في
حياتها و انها نفسها تكلمني, وبتحكيلهم حاجات تبين انها بتتمنى اني
أهتم بيها زي أي أم و أنا لما بسمع الكلام ده بفرح و بيرجعلي الأمل و
أرجع أكلم بس لا بترد و لا هي بتتصل. أنا نفسيتي تعبانة جدا وحاسة
اني بموت, يعني كفاية انها بعيدة عني و كمان بتعاملني كده.
أنا آسفة على الاطالة وياريت حضاراتكم تنصحوني و تفهموني اللي
بيحصل. هل هي بتخاف مني أو بتكرهني أو مش حابة اني أكون في
حياتها أو مبسوطة بالاهتمام. أنا محتارة

المصدر: نفساني