نفساني - عرض مشاركة واحدة

16-10-2008, 04:43 AM

صباح الياسمين

أختي العزيزة

ألف شكر على ردك الجميل و جزاكي الله خير و جعله في ميزان حسناتك

لو تسمحيلي أنا عندي أسئلة كثيرة لأني محتارة و أتمنى ألاقي الاجابات عند حضرتك

هي بالفعل بتحب العرايس و بتتقمص شخصيتي و بتتعامل معاهم على انها أنا,,, هل هذا له معنى؟
و مع الأسف جدتها مش بتحبني بحكم الطلاق اللي حصل و لما لقت بنتي بتتكلم عني كثير و دايما شايفة اني أحلى من أي حد و أحسن من كل الناس بقت بتقولها كلام
مش كويس عني و كمان بتحاول تحسسها اني مش بحبها وعشان كده أنا بعيدة ومش بسأل عليها,,,, و هي لابد انها تصدقها,, وأنا مش بعرف أوصلها أبدا زمان كانت
جدتها بترد عليا و بتعاملني كويس لكن دلوقتي مش بترد عليا و لما بكلم بنتي على الموبايل المربية بتخاف ترد أو تعمل أي حاجة,, وبنتي طبعا مش بتتعامل معايا أبدا و
بحس انها بتحاول تتفاداني كل ما أبعتلها مسج أو أكلمها مش بترد,, لدرجة اني كنت بقولها انها لو ماردت هزعل منها و برضه مش بترد و ساعات كنت بقولها اعملي أي
حاجة بس أطمن عليكي بس لا حياة لمن تنادي,,, كل ما بطلب منها انها تعمل حاجة عشان أحس انها بتحبني واني فارقة معاها بتتجاهلني تماما ولا كأني بعت حاجة ولا
كأني موجودة أصلا و كأنها بتقولي عادي ابعدي عني أنا بكرهك,,, و المشكلة انها بعدها بتنهار و تحكي لعمها و تقوله أنا ما أقدر أعيش من غيرها,, يعني كلامها متناقض,,
و أنا مش فاهمة هي بتعاندني و لا هي فعلا بتتمنى اني أبعد عنها,,, و اللي محيرني أكثر انها بتغير عليا لدرجة غريبة,, بتغير من كل الناس, صديقاتي و أهلي وقرايبي
بتكرهم كلهم وخصوصا الأطفال بتكرهم كره رهيب. الغيرة بتحسسني انها بتحبني بس تصرفاتها بتحسسني انها مش محتاجة لوجودي في حياتها.
الشخص الوحيد اللي كان بيطمني عليها هو عمها بس هو مش فاضي كل شوية يكلمني و أنا هموت من القلق عليها,,, مستحيل أي أم في الدنيا تستحمل اللي أنا فيه,,
أنا ما أعرف عنها حاجة أكلت, شربت, نامت, صحتها كويسة, خرجت من البيت و لا لأ, بتصحى الساعة كام و بتنام الساعة كام, أنا ما أعرف عنها ولا حاجة و أنا أمها يعني مفروض أعرف كل تفاصيل حياتها,, حضرتك مش متخيلة أنا نفسيتي تعبانة لأي درجة و اللي بيقتلني لما تكلمني واحدة من هناك تقولي تخيلي أنا كنت في حفلة أطفال
و شفت بنتك هناك ماشاء الله كبرت و أحلوت, تخيلي اني بسألها كانت لابسة ايه؟ شعرها لسه طويل ولا قصته؟ اتكلمتي معاها؟ قالتلك ايه؟ كل دي حاجات المفروض ان
أنا اللي أعرفها أول واحدة.. أنا والله بموت أرجوكي تساعدني.
أعمل ايه؟
آسفة على الاطالة بس أنا محتاجة مساعدتك وياريت حضرتك تستحمليني لأني لسه عندي حاجات كثير أحكيها.