um jana

بيانات اضافيه [ + ]

رقم العضوية : 25674  تاريخ التسجيل :  08 2008  أخر زيارة : 27-12-2009 (06:44 AM)  المشاركات : 14 [ + ]  التقييم :  10

لوني المفضل : Cadetblue

صباح الخير
أشكرك على ردك جزاكي الله ألف خير
أنا كلمت جدتها و حلفتلي انها حاولت مع بنتي كثير انها تكلمني بس
من دون فايدة. و وعدتني انها حتحاول معاها ان شاء الله.
بس أنا حاسة اني لازم أحاول مع بنتي بس كيف ما أعرف. هل لو
بعتلها رسايل يوميا ممكن يجيب نتيجة معاها؟؟ مع العلم انها أكيد
مش هترد و كأني بكلم نفسي.
وبالنسبة لموضوع الغيرة هي بتغير من كل الناس اللي حواليا
وخصوصا الأطفال, و لما ببعتلها هدية أو رسالة أو أي حاجة مش بترد
عليا و لما بيسألوها ليه؟ بتقولهم
(ان أكيد ماما بعتت للناس اللي حواليها و أنا عارفة انها بتحبهم أكثر
مني, ليه هي بتشوفهم و يشوفوها و أنا لأ؟ )
ومع الأسف هي الفترة اللي فاتت عرفت ان ولد واحدة قريبتي كانوا
أهله مسافرين فأخذته عندي. و هي كانت هتتجنن,
هي قالت ان سبب رفضها انها تقرب مني انها متأكدة انها مهما عملت
مستحيل أحبها أكثر من اللي حواليا.
وكلامها طبعا كله غلط, أنا مستحيل أحب أي انسان أكثر من بنتي.
أنا مش فاهمة موضوع الغيرة وبتمنى أعرف كيف أتعامل معاها في
هذا الموضوع, هل أبعد عن كل الناس لفترة بسيطة لغاية ما تطمن
وتقرب مني؟
و بالنسبة لانها تقضي الاجازة معايا, فان شاء الله أنا بعد مدة هاخذ
اجازة من الشغل و أسافرلها,
بس المشكلة اني مش مسموح لي أخذ اجازات الا بعد 3 شهور على
الأقل و أنا بتمنى أقرب من بنتي قبله لأن 3 شهور كثير.
أنا آسفة على الاطالة و على الأسئلة الكثيرة.
بس أوعدك ان هذه أخر أسئلة
جزاكي الله خير وجعله في ميزان حسناتك