شـــــوق

بيانات اضافيه [ + ]

رقم العضوية : 26000  تاريخ التسجيل :  09 2008  أخر زيارة : 07-08-2010 (04:45 PM)  المشاركات : 36 [ + ]  التقييم :  10

لوني المفضل : Cadetblue

رجيتـــــكمـ ساعدوني ..

السلام عليكم ورحمة الله وبركاته..

الله يجزيكم خير ساعدوني .. لأني تعبـــانه وتعبت من نفسيتي اللي كل يوم تتدهور..
راح أقولكم مشكلتي من البدايه حتى النهايه وأتمنى أني اجد عندكم المساعده يااارب ..




أنا كنت أحب واحد من عيلتي واتفقنا على ان يجي ويتقدم لي وهذا الطلب اجاا منه قبل لايكون مني ..
المهم ظليت أكلمه يمكن لمدة 4 شهور لكن كل ماجبت له سالفة انه يتقدم لي كان يتهرب بكل الوسائل ويقولي انتظريني شوي وجاااي لك ..
وظليت وظليت حتى قالي في النهايه لاتفكرين لمجرد التفكير اني راح أجي وأتقدم لك ..!!
طبعاً انا التزمت الصمت وسكرت ..
ظل يلاحق فيني وانا ماأرد ولا أي حاجه .. حسيت اني انتهيت رحت لخالتي وقلت لها عن كل اللي صار
وانتهت المشكله وكلمته ونهيناها وحاولت أني أنساه ..
غيرت رقمي لكنه قدر انه يجيبه وظل يدق علي لين استسلمت ورديت عليه .. وقالي انه متحسف ومو قادر ينساني وغير هالكلام
وانه راح يجي أكيد يتقدم لي ..
انا من غبائي صدقته وسمعت كلامه وظليت اكلمه يمكن لمدة أسبوع.. ولكن في النهايه اكتشفت انه ينتقم مني لأني خبرت خالتي عن كل شي .. بعدها عرفوا خوالي بالموضوع كله وخالاتي وصار موقف وشجار في العيله وفي هذي اللحظه جاني انهيار عصبي ورحت المستشفى والحمد الله طلعت منها ..
بعدها حسيت ان الحياه بدأت تصير ظلمه في وجهي وكل يوم عن يوم تسوء حالتي النفسيه ..
حتى جاا يوم وحاولت الأنتحار أخذت 50 قرص من الحبوب وابتلعته وماحسيت بنفسي الا وانا في المستشفى وطلعت من المستشفى بعد أسبوع تقريباً والحمد الله ..
بعد هالشي حسيت ان جسمي كل حين يضعف .. وإني تعبانه بالحيل..
صرت عديمة الثقه في نفسي بعد ماكنت مغروره في نفسي .. صرت عصبيه بالحيل .. وأحياناً تجيني حاله غريبه ..
فجأه أحس اني أعصب على شي تافه وأحس اني جسمي يرجف بالحيل وريقي ينشف ومو قادره أبلع أي شي وبعدين ينزف دم من خشمي ..! وهذي الحاله يمكن جاتني ثلاث مرات ..
صرت متوتره .. وماأنام الا يمكن 3 ساعات في اليوم بس .. يجيني أرق مو طبيعي أحس اني تعبانه لكن ماأقدر انام أبد ..
صارت شهيتي قليله ماآكل ولا أحب آكل .. وإذا أكلت أحس يجيني غثيان .. دايم راسي مصدع.. دايم احس ان شي خانقني .. أحس أن جبل على صدري ..
وغير كذا صايره حساسه بشكل مو معقول .. ماأتحمل أي شي .. مع اني جامعيه لكن أحس ان ماعندي هدف في الحياه..
أخاف من بكرا .. أخاف من المستقبل .. أخاف أحلم بشي حلو أو اني أفقد انسان غالي عندي ..
أخاف حتى أضحك وبعد الضحك يصير شي يخليني أبكي..
دايم أذكر الأمور الحزينه اللي مريت فيها من قبل.. تعبت من نفسي احس اني تغيرت بالحيل ..
ماأنام الا والدموع مغرقتني .. أحس ان حالتي النفسيه تعبانه.. تعبااااانه بالحيل..

أستشرت أحد المتخصصين نفسياً قال ان فيني قلق نفسي ونصحني اني أراجع طبيب نفسي.. لكن صعبه اني أقول لأهلي ودوني طبيب نفسي ..

وأنا أتمنى أن أحد المتخصصين في علم النفس يعطيني بعض الخطوات او المور اللي تحسن من حالتي .. لأني بجد احس تعبت من نفسي أبغى أرجع مثل قبل ..



رجيتكـــــــــمـ رجاااا لاتتركوني ساعدوني الله يجزيكم خير.. أنا مؤمنه بالله وماأفارق القرآن لكن أحياناً ماأقدر أسيطر على نفسيتي ..





انتظركم ... لاتتركوني ...


تحياتي لكم ..

المصدر: نفساني