|
اوافق ولا ارفض ولا اوافق ولا ارفض ساعدونى
السلام عليكم
يا جماعة انا عندى مشكلة وهحاول اختصر لكن ياريت تساعدونى بارائكم
انا دلوقتى _ وعن طريق احدى المعارف _ تقدم لخطبتى شخص سنه صغير و مركزه جيد
واهله ناس كويسين ( حسب ما احنا شايفين )
مادياته الله اعلم بيها لسه ما عرفنا عنها شىء
متدين و ملتزم ( والله اعلم برضه)
لكن رغم ده كله انا مش حاسة انى مبسوطة او موافقة مش عارفة ليه
رغم ان اى واحدة فى مكانى اكيد هتوافق خصوصا فى الظروف اللى احنا فيها !!
فوالدتى بتتخانق معايا كتير على اساس انه واحد كويس نرفض ليه ؟
وتقولى انتى كدا مش متدينة لانك طول الوقت بتطلبي واحد متدين ولما جالك مش عاجبك !!!
وانا فعلا مقتنعة عقليا ان الشخص ده كويس لكن مش مقتنعة نفسيا
مش عارفه ليه !!
وخايفة ارفض تكون اخر فرصة او يكون تبطر على النعمة وربنا يعاقبنى ويكون معناها انى فعلا مش بتاعة ربنا لانى رفضت واحد متدين بدون سبب مقنع
وخايفة اوافق ومرتاحش ليه ولا اتقبله برضه و يكون الرفض صعب
او ممكن الاقى فرصة افضل نفسيا على الاقل ( انا لا تهمنى الماديات قدر ما يهمنى اقتناعى بشخصية الطرف الاخر )
واحترت ومش قادرة افكر ياريت تفكروا معايا و تساعدونى اوصل للصح
وجزاكم الله خيرا ..
|