|
عدم تركيز وتشتت في التركيز والإدراك يعقبه توتر في الحركة .
مثل هذه الحالات تأتيني خاصة حينما أكون ضايق صدري ومتوتر . احس احيانا اني بدوخ أو بيطيح على شي من فوق مثل حجر أو سيارة خاصة اذا مانمت زين واحيانا حتى لو اني شبعان نوم تجيني خاصة في الأماكن المزدحمة وخاصة حينما أكون متجه لشي معين مثل بيتي أو الجامعة . ويكون احيانا في ارتعاش في يدي. ورعشة . ويكون هناك تزايد في ضربات القلب ولكن بعد تقليل القهوة والشاهي خف هاذا الشي عني . احس كذالك بزغلله في العينين واحس في احد يطاردني احيانا . وفي بعض الأحيان أحس أن الناس يناظروني وكأني مسوي شي غلط . احس خاصة في أوقات الزحمة التي استخدم فيها مترو الأنفاق لأنني أنا لي مدة خارج السعودية للدراسة في الخارج أحس أني مشتت بالمعنى الشعبي (ملحوووس) عقلي مو معي اذا المفروض اروح يمين تلقاني اروح يسار والعكس صحيح واذا حسيت بخطأي رجعت وانا ضايق صدري واحس اني غبي . وفي المحاضرات كانت تأتيني نوبات تزايد سرعات دقات القلب من غير مبرر واضح واحيانا في المحاضرات اسرررررررررررح كثير وأحلم أحلام يقضة كثييررة . ولاأحس ان عندي تركيز وفقدت الثقة في قدراتي العقلية والذهنية ويضيق صدري والعن نفسي اذا الطالب اللي جنبي فهم الفكرة اللي يوصلها المدرس بشكل اسرع مني واحس اني غبي اذا مافهمتها . احيانا وانا أبغى أنام مع أني ماحسيت بهذا الشي لي فترة تقريبا شهرين احس اني وانا رايح ابغى انام واذا اخذت مكاني للنوم احس ان في شي بيطيح علي من فوق مثل سيارة او حجر واتخيل احيانا ان أبوي خاصة بيموت او بيصير له حادث علما أنه ولله الحمد ليس مصاب بمرض كبير الا السكر والحمدالله مايعتبر الحين مرض بالنسبه له لان خف عليه كثير . احيانا كثيرة احس اني (مفهي ) بمعنى عقلي مو معي احيانا . خاصة في المحاضرات واحس بالضيقة .
أحس أن الدنيا احيانا ضدي وأن الدنيا حظوظ حتى لو سويت الواجب عليك . احس احيانا اني عديم المسؤولية وأني لأعرف أن أدير شي في الدنيا وان المسؤولية أكبر مني فيما يتعلق مثلا لو بغيت أتزوج في المستقبل أو إني لو أبغى أكمل دراستي العليا في المستقبل خاصة أن الغربةبعيدا عن عائلتي اللي عشتها زادت الأعراض السابقة مع أن كل الأعراض السابقة كانت فيني قبل أغادر السعودية كانت معاي مايقارب خمس سنوات .ولكن زادت حدتها خاصة تسارع ضربات القلب من سنتين ونصف .وكذالك التوتر واليأسس والقنوط .مع أني كنت متفوق أيام الجامعة .عمري 24 سنة . أرجوا منكم التكرم بإبداء أرائكم المهنية حول مشكلتي . والسلام عليكم .
|