قاهر الهلع

بيانات اضافيه [ + ]

رقم العضوية : 26630  تاريخ التسجيل :  11 2008  أخر زيارة : 26-02-2009 (08:53 PM)  المشاركات : 13 [ + ]  التقييم :  10

لوني المفضل : Cadetblue

ليان

مساء الخير ...يارب تكون/ين بخير وصحة وعافية

عارفة مين اللي يكتب لك الحين؟ اكيد لا ماتعرفيني بس انا النك نيم حقي هو " قاهر الهلع" ..نكي يتكون من كلمتين (قاهر) و (هلع) بس زمان كنت (قاهرني الهلع) ..يعني انا لما اتكلم معك بخصوص "نوبات الهلع" يعني ترى موب شخص "متطفل على الهلع" واتكلم في شيء ما اعرفه لا لا لا ..

أنا بأختصار صديق قديم للهلع "عشرة عشر سنوات" ..شفتي اللي تحسين فيه؟ كنت احس بأضعافه " بأشكال متنوعة كل مايطري في بالك مريت فيه" ...بس انا ماكنت مثلك ...انتي كنتي احسن مني بكثير..تدرين ليش لأنك تعرفين مصطلح " نوبات هلع" وتعرفين " أنه بتجيك النوبة" يعني تعرفين " العلة" ياحظك انا لما كنت "هلوع" ماكنت اعرف...بس احط في راسي الف سبب وسبب " مس جن" و"عين" و"سحر" و "مرض عضال مخفي مستعصي على الطب البشري" و ...وو... "راح اموت" ..و" انا مجنون" ....و" انا اعيش في دنيا غير دنيا الناس" ..أنا "الحين بطب ساكت على رأي المصريين" ..." وأنقذوني" ..و"أنتم ماتحسون فيني" ...وهكذا .

ياحظك ياليان ..ياليتني كنت اول مثلك ..أعرف علتي ...كان اختصرت مسافات طويلة وأيام من عمري راحت في الخوف وعدم الثقة في النفس ..والهلع "اللي فجرني كأني قنبلة موقوته" .....ليان بأختصار :

والله العظيم .......والله العظيم .......والله العظيم ..."يقنعك حلفي والا ازيد حلف" خليني ازيد حلف واحد " والله العظيم" كله نوبات الهلع " كذب في كذب" وهم وهم وهم وهم ..........."ماراح تموتين منها ماراح تنجنين منها " صدقيني نوبة الهلع اللي تقولين " أحس انها بتجيني" صدقيني راح تجيك ...تدرين ليش ..لأنك طلبتيها ..عارفة أو عارف نوبات الهلع وش هي مثله؟؟؟؟ مثل "وجبه في مكادونالدز أو كودو" لما تبين هالوجبة ...تتصلين عليهم يوصولونها لك في البيت ...يعني انتي لما تبين نوبات الهلع تجيك راح تجيك مجرد فقط "ثواني معدودة تفكير في نوبة قادمة" ....الاّ والنوبة جايتك "تمشي مليون" شبيك لبيك انا النوبة بين يدك ...يالله اشتغلنا ياليان وهاااااااات نبضات قلب متسارعة وهات شعور بلا الواقعية وهات غصة في الحلق وهات تعرق وتنمل وبردوه وسخونة وفقدان توازن وهاااات احمرار في الوجه وغززات في الأطراف ...وشغالة فيك ...ترى نوبة الهلع على فكرة ...مو " قاطه وجهه عليك" لالا ترى عندها عزة نفس نوبة الهلع اذا ماتبينها لا تطلبينها " تكبري عليها" "أحقريها" "عطيها طنش" تعطيك الف طنش وطنش وطنش ....وحتى لو جت في اي مكان كان وفي اي لحظة في الليل في النهار الصبح الظهر وانتي مع اهلك وانتي في العمل في الدراسة في السيارة في اي مكان ...." قولي يانوبة الهلع ولا كأنك موجودة" راح تنصرف عنك وتبعد " وهي ذليلة وحقيرة" .


لكن كل هذا وش يبي انا اقول لك وش يبي "

1- قراءة القران والمداومة على الصلاة والاذكار
2- الاختلاط مع اهلك والمحيطين فيك لا تنعزلين أو لا تنعزل حتى لا تكونين أو لا تكون فريسة للهلع .
3- اشتغلي بشيء ممكن ان يشغلك ذهني أي عمل أو واجب منزلي ..ساعدي الشغالات عندك في البيت أو أمك أو اختك أو اخوك في اي واجب .
4- الاسترخاء والاستماع على القران اثناء النوم وانتي على الفراش مع التفكير في اي مسألة أو شيء محبب لك
5- الأيمان التام بأن كل الناس والاطباء واللي مكتوب هنا واللي قريتيه والعلاج اللي مكن استخدميتهم ترى كلهم صح والصادقين والأفكار اللي تدور في راسك + نوبات الهلع هم الكذابين واللي على خطأ .
6- الاستعاذة من الشيطان ترى هو فرحته ومنى عينه يشوف احد متضايق يجي ويقعد عند راسه ويعزف موسيقى الأحزان والكأبة والوساوس ابد صدقيني يشوف شرارة ينفخ فيها لين تصير نار .
7- إذا قال لك عقلك الباطن " اللي متخزن فيه الهلع" لا تروحين مكان ..طنشيه وروحي...لا تسوين كذا ترى بتجيك نوبة هلع" سويه وماعليك منه" وأتكلي على الله ترى هذي تقويّ الثقة في نفسك وتبين لك مدى كذب نوبة الهلع.
8- طبعاً زيارة الطبيب النفسي يصرف لك علاج دوائي وحاولي تقرين في العلاج السلوكي وتطبقينه
لحظة ليان ...تحسبني أو تحسبيني انتهيت من كلامي لا لا لا

انا عارف الحين وش تفكرين فيه ....تفكرين أنه هالكلام هذا كله مر عليك انا اعرف انه مر عليك بس انتي خليتيه مرور الكرام ...ما عملتي فيه ولا طبقتيه ....جربي تطبقينه وتذكري حقيقة مثلها مثل الشمس في رابعة النهار .........نوبات الهلع كااااااااااااااااااااااااااااااااااذبة رغم انها قاسية مؤلمة بس بفضل الله والا ستعانة به والتوكل عليه .........سهل القضاء عليها

ومعاً يد بيد لأنقهر الهلع ..........جميعاً من يقهر الهلع ...الهلع لا يقهرنا ولن يحرمنا من لذة الحياة والعيش والعمل ..........سنقهره بإذن الواحد الأحد الفرد الصمد

اسمع بإذن الله اخبار حلوه عنك وعن الجميع

وقدامكم العافية وأسال الله لي ولكم الشفاء والعافية من الامراض النفسية والعضوية .