نفساني - عرض مشاركة واحدة

26-01-2009, 12:55 AM

هنيئاً للمُلتقى ؛ عودة قسوره الغالى ..

من بعد هجر وبعاد ؛ طالت بيه الليالى ..

قالوا البدن عليل ؛ والقلب مُش خالى ..

أنا قلت هنا الشفا ؛ قوم ياللا تعالى لى ..

اكتب ؛ وألف ؛ واقرأ ؛ وعلق ؛ وشوف ووالى ..

ح تلاقى إخوة وأحبه ؛ شوقهم إليك عالى ..

ناظرين رجوعك بلهفه ؛ منهم أنا وأمثالى ..

تنوَّر بجميل كلامك ؛ وتبيض سواد الليالى ..

وتطوف بينا معاك ؛ بفكر راقى ؛ وإبداع جمالى ..

ينعش نفوس مشتاقه ؛ تحلق فى عالم مثالى ..

ويخاطب قلوب وعقول ؛ هايمه ف عالم خيالى ..

ياللا تعالى ياراجل ؛ رجع أيامنا الخوالى .....

وزيح عنَّك مخاوف ؛ وقول لها روحى من بالى..

أنا أقوى م الخوف والمرض ؛ أنا زى الهلالى ..

أنا جامد كيف عنتره ؛سيفى وسلاحى " أقوالى "..

و" عبلتى " محبه ووصال؛ وجايزتى ود غالى ..

يارب نشوفك دايماً ؛ فى سما المنتدى عالى ..

صحيح ؛ مُعافى ؛ ؛ مبسوط ؛ ومن الهموم خالى ..