|
تكفون ساعدوني .. اخوكم في حاله خطره
الســـلام عليكم ورحمه الله وبركاته
اخواني والله مافي الا انتم اطلع اللي بخاطري لكم بصراحه انا ولد عمري 20 توني بعز شبابي لا ادرس ولا اشتغل جتني عروض كثيره لشغل بس ماقدر من الرهاب اللي فيني بقولكم قصتي وشعوري واتمنى من الاخواني والاخصائين يساعدوني
انا جتني روعه مو موقف يخوف وهذا الموقف شغل فكري 3 سنوات يعني الرهاب فيني 3 سنوات وانا يااخوان اخاف من كل شي وطبعا مااجتمع مع اقربائي ولا صرت العب كوره مع ان اول كانوا نادي الهلال طالبيني بس ماقدر من الخوف ولا اقدر اسولف مع الناس الجديدين ودايما اهرب من الشي اللي يخوف لدرجه اللي يشوفني يقول هذا بزر والا كيف وللمعلومه اذا خفت احس بالاختناق وصعوبه بالتنفس وعدم التركيز والله يكرمكم ادخل الحمام اقضي حاجتي
فأول ماكنت استعمل ادويه اما الحين اخوي وصاني على دكتور نفسي وطبعا اراجعه كل شهر واعطاني بالبدايه سيبراليكس طبعا كانت ممتازه بس جت معها اثار جديده ومخاوف فرحت لدكتور فاستبدلها بسيروكسات فهذا حطم لي حياتي للاسوا فخلاني ياخواني ماروح المسجد واخاف من الزحمه ومن كل شي فغيره لي الى اوفيكسور 75 غرام مع سيبراليكس 5 ملغ وللحين ياخوان مالقيت العلاج مع ان الوالده زعلانه تقول انت يسوون فيك تجارب خلاص اترك كل شي وخلاص بس والله ماقدر اترك كل شي لانها بتزيد اكثر واكثر
اتمنى اي احد من اخواني او اخصائين يساعدني ويكون بيني وبينه اتصال او مراسلات واكون شاكر لكم
|