نفساني - عرض مشاركة واحدة

12-02-2009, 10:19 PM

انا راح اقول السالفه من البدايه

انا طبعا كلمت وحده عن طريق الجوال وحبيتها بس ما ربك كتب اني اتزوجها بس انا للحين على علاقه معها واكلمها المهم قالت لي اهي سالفه عن وحده سعوديه تحب واحد اجنبي مو حب تقول عشق وتقول انها دايم تقابله ومره راحت تشتري له هديه ( كرفته ) قال لها راعي المحل غريبه سعوديه و تشتري كرفته قالت هذا مو لسعودي هذا لواحد اجنبي وقالت جنسيته قال لها راعي المحل احسنتي الاختيار ولا تقول انها دخلت المستشفى يوم غاب عنها فتره وسالتها اهي لما تقابله وش تسوي قالت بس يمسك يدها واهي تقول لو يطلب اي شي راح اسويه له وانا اقول اكيد راح يسوي اشياء مو شي وقالت لي سالفه ثانيه عن وحده سعوديه تقابل راعي مطعم تقول انه لما يوصل طلبات يدخل بالبيت ويجلس..... قسم بالله اني اموت قهر لما اتذكر ان الاجانب هذولا يلعبون في بناتنا واقول ليش البنات يسوون كذا مالقت الا واحد يشتغل في مطعم ولا واحد مدري ايش يشتغل وكلهم اجانب ليش وش ناقصهم السعوديين وربي اني مجرد افكر في الشغله هذي انجن اموت قهر لما افكر انه يجلس معها او راعي المطعم لما يدخل البيت ابكي ما ادري ليش ادري انا مالي دخل بس قسم بالله انه ماثر على نفسيتي لما انام واتذكر السالفه يطير النوم لما اضحك و اتذكر السالفه وربي اتنكد والمشكله انها تقول كثير كذا يا عبدالله لا تشيل هم وش عليك منهم وانا وربي ما ادري وش اسوي

اتمنى اني القى حل لاني تعبت وربي احس اني طفشان ولا لي خلق حتى لنفسي وربعي مقهور وبس

المصدر: نفساني