|
زوجي ليس سيء ولكن تصرفاتة الاجتماعية والدينية تبعدني عنة
السلام عليكم ورحمة اللة وبركاتة مشكلتي بكل اختصار هناك طبعا كاي بيت مشاكل مالها حصر ولكن انا عندي استعداد لتحملها والتماشي معها الى النهاية واللة يصبرني بس المشكلة لمن احس زوجي مستهتر بالواجبات الدينية وواجباتو تجاه الاولاد وناحيتي في الامور الخاصة شوي ,الصراحة استفز بشكل غير طبيعي مااقدر اتحمل او اجامل احس بكرة عجيب ليش؟ اولا لانة مو صغير السن او طايش هوة عمرة 41 سنة واحنا متزوجين من 13 سنة كنت في البداية احاول المح وانصح بشكل او باخر يعني عشان لااجرحة برضو الرجال مايحب النصيحة بس الان خلاص كبر المفروض يعقل ويكون قدوة حسنة يعني هوة مااعندو اي اهتمام ديني غير انو يصلي واحيانا ينسى كمان
طبعا مو في وقتو واخر همة .واللة ياجماعة احس بضيق وانا اشوفو كدا فقد احترامو وتقديرو من قلبي واصبحت مشاكل من ورا المواضيع هدي انا بادعيلو من كل قلبي بالهداية اللة يتقبل يعني ماعمرو اهتم بعمرة او صلاة حرم اوحرص على الجمعة اولادو همة اللي يصحوة واحيانا مايروح معاهم يقول لهم روحو برجولكم ويرجعوا يلاقوة نايم؟؟؟ بزمتكم هدا رجال؟ لاو جماعة في البيت مافي يقول مو لازم, ثقافتو الدينية جدا جدا ضعيفة القران ماينمسك لافي رمضان ولا غير رمضان واللة نفسيتي تعبت منو وانا مو قادرة افصل بين تصرفاتو هدي وعلاقتو الخاصة فيني صاير الموضوع ينعكس علية بشكل سلبي الين الفجوة اصبحت كبيرة بيني وبينو جدا وطبعا بسبب المشاكل التانية لكن انا اللي يهمني الان علاقتة بربنا هوة الاهم لانو اذا عرف واجباتو الدينية بتنصلح كل حيانتا لو مو مية بالمية خليها خمسين بالمية ارجو الرد في اسرع وقت انا في شدة الياس والكابة والقهر يارب الاقي عندكم الحل واعتذر للاطالة بس مو بيديسامحوني وانا انتظركم .
|