اخر غروب

بيانات اضافيه [ + ]

رقم العضوية : 26856  تاريخ التسجيل :  01 2009  أخر زيارة : 11-09-2009 (07:13 AM)  المشاركات : 6 [ + ]  التقييم :  10

لوني المفضل : Cadetblue

مآآدري وش فينييييييي

السلام عليكم ورحمة الله وبركاته



اببدا اقولكم حالتي لاني تعبت وربي ما ادري وش فيني

اولا عند النوم اخاف وقلبي يدق ولا انام الا وجنبي احد علشان كذا اجبر اختي تمسك يدي الين انام والتلفزيون مشغل واللمبات

اقوم من النوم وانا فيني كآآآآبه الدرجه اقول ياليتني ما قمت مايته اريح لي واذا قمت احس بدووخه مرره وحاله

فطور ما اشتهي

غدا اتغصبه

فترة العصر كآآآآآآآآآبه

المغرب عادي بعد العشاء من الساعه 10 تبدا الكآآبه

يجيني اوقات احس اني ابصيح مالي خلق احد ودي اخبط بروحي


اذا شفت صورة مرعبه اخاف واجلس ما انساها وابدا اوسوس


هذا غير الغثيان والدوخه

ومدري وش فيني بالضبط اعصب على اتفه الاسباب

اضحك وانا اضحك اتذكر شي وارجع اسكت ويجيني حزن

ما اخاف من الموت ابد بالعكس اتمنى الموت

بس اخاف من طريقة الموت


اذا تذكرت احد احبه تبدا حالة غثيان الدرجة ما اشتهي الاكل

ورب البيت اني استفرغ الله يكركم اذا اكلت ويدي تنافض مرره


على العلم ما عندي خوات كبري عندي اخت بالمتوسط حركاتها تقهرني وتنرفزني

امي تحطمني >> هي ما تحطمني بس كلامها قوي علي .. وانا حساسه بزودي .. الدرجه كلامها يجلس براسي وابدا اردده الغيري


اكره ابوي مره والشعور مب بيدي

ايام ابكي اخاف يجيه شي ويموت وانا ما اكلمته لاني اجلس شهور ما اكلمه مدري ليه اتشائم منه ومب هو بس اتشائم حتى بالدرج ومن بعض الاكل ومن بعض الحركات وبعض القنوات والارقام


اصرخ على امي وبعدين ما انام بس ابكي وادعي اموت ادعي انشل واروح اقومها من النوم واصيح

احس انها تأذت مني

اخاف من شي اسمه مرض كرهت روحي كل ما صار فيني شي مستحيل اروح للدكتور اتمنى اموت ولا اروح


الحمدالله انا ملتزمه بالصلاة والاذكار والقران

بس بعض المرات الوسواس القهري يجبرني اني ما اصلي

واتعب واعرف ان الله يغفر لي لانه مب بيدي


تكفون علموني وش فيني

انا كتبت الموضوع بسرعه ولا ادري اي قسم احطه

دكتور نفسي ما اقدر اروح له ابد :(


ورب البيت لادعي للي بيرد علي ويهون علي مشكلتي

المصدر: نفساني