!فيصل!

بيانات اضافيه [ + ]

رقم العضوية : 27267  تاريخ التسجيل :  03 2009  أخر زيارة : 20-09-2016 (05:03 AM)  المشاركات : 73 [ + ]  التقييم :  10

لوني المفضل : Cadetblue

]الله يسلمك أخت ساره من كل شر[

تقريبا قبل اكثر من سنتين جاني ارق لمده ثلاث أيام حتى اني رحت لطبيب بمستشفى خاص اليوم الثاني واعطاني أبره وحبوب وقال راح تنام ولا نمت كملت اليوم الثالث ومن بعد هالحاله احس اني موطبيعي
أناموظف لكن وظيفتي دايم دورات ودراسه ووالحمدلله من المتفوقين أغلب الدورات...في احد الدورات قبل سنتين كانت دوره دينيه جالس اقراء قرآن فجاءه زادت نبضات القلب ورعشه ولساني ثقل ماقدرت اكمل وحسيت اني ببكي ولساني مربوط وعيوني بتطلع من محلها قبل كم يوم كنت اقراء طبيعي استغربت من حالتي وعدت الدوره على خير ..وتجاهلت الحاله ونسيتها وحطيت في بالي ماراح تجي
بعدها بكم شهر رحت دوره عن السلامه باللغه الأنجليزيه ...أول يوم ماعندي اي مشكله كنت متفاعل بالفصل واحس الوضع طبيعي لاني تجاهلت الحاله....اليوم الثاني انقلب الفصل وحش ونضرات زملائي مخيفه اذا اي واحد طالع فيني
المهم بدينا بالقراءه جتني الحاله وانا مافكرت فيها احس هجمت علي بديت ارتعش ونبضات القلب تزيد ونشف ريقي وحاله مايعلم فيها الا الله خلاص تعبت وطلعت من الفصل والدوره فصلت منها..رجعت امارس العمل
وبعدها صارت تجي وانا اسولف مع اخوياي سوالف عاديه...اواذا انحرجت..وحتى لو رقم غريب على الجوال تجي على خفيف..وتجي بمواقف محرجه او مقابلات الناس..حتى في الدوام ماصرت اجلس مع اخوياي لاني مره وانا اسولف معهم جتني وضيعت السالفه وقمت وخايف يلاحضون علي بس لاحضوا اني منطوي دايم لحالي

الحين اكره اني اجلس مع مجموعه واحد ممكن اثنين اتظايق
اكره الأماكن العامه...احب اكون لحالي وبغرفتي قليل اجلس مع اهلي
والوظيفه من اربع شهور طالع منها لكن زملائي رفعوا أجازه..والحين مغطين علي لفتره شهر تقريبا بعدها مايقدرون
وكنت انتظر الترقيه من اربع سنوات جتني لكن مادخلت الأختبار وراحت علي
وامس رحت لدكتور قال عندك نوبه هلع وأعطاني دواء0paroxetineهل هذا يسمن وله أعراض سلبيه؟ أفيدني
حاس اني مكسور من داخلي ولا أدري شسوي قهر تروح الوظيفه لأني تعبت فيها وأخذت كورسات واجد وراتبها فوق الحلو ولله الحمد
لكن الوظيفه الحين مو هامتني لأن الحاله صارت برى الوظيفه
لما تجي الحاله مافيه افكار مخي احس يتعطل بس احس قلبي وعيوني بيطلعون من اماكنهم وانتفض وينشف ريقي

المشكله حتى الأستيعاب احس ضعف مو مثل اول الدكتور سألني عن يوم من ايام الأسبوع وقف مخي لأني نسيت انا في أي يوم الحين

أنا احس موب أنا واحد ثاني مادري وشفيني ماكنت كذا

أعذريني اذا فيه لخبطه. .الموظوع ذكرته بالمختصر الشديد احس باقي اشياء ماذكرتها لكن هذا اللي استوعبته احس انك راح تقدرين وضعي
وأسف على الاءطاله..
وأشكـــرك على أهتمامك أحرجتيني بصراحه ..الله يجزاك خير ويجعلها في موازين حسناتك