نفساني - عرض مشاركة واحدة

08-03-2009, 09:52 PM

سلام عليكم

ما لقيت غيركم اشكي له همي من بعد الله سبحانه وتعالى ....

عندي مشكله واني في ضائقة جداااااا

مشكلتني اني تزوجت عن حب وكنا اسعد زوجين وبشهادة الجميع ولكن امه كانت المصيبة بيننا كانت تكرهني وما تحبني لاني كنت متعلمه وعندي شخصيتي المستقله وكان زوجي يحبني موووت وكانت على طول تقلب وجهه علي ولا تعطيني وجهه ومع هذا اسكت وما اتشكى الى زوجي وكانت معاها زوجة اخوه تغاااااار مني وتحقد علي وخططوا وعملوا مشكله ولان زوجي عديم الشخصيه وشنو ما تقول امه صح ، زوجة اخوه قالت اني اتكلم عن امه وطلب مني اني اروح اواجهه امه وزوجه اخوه اني ما قلت هالكلام وقلت له ما راح اروح دام انك واثق مني واني واثقه من نفسي اني ما تكلمت يوم الا بتكلم ما بخاف الا من ربي

المشكله انه معاي اوكي ويعدي الموضوع ومن يروح بيت امه يرجع منقلب مئه درجه واني تعبت ومرضت ومشتفيات وفستي كانت مره تعبانه وخلاني في بيت ابوي وما سال عني بعيد الفطر وطبعا اني كنت ادري انه اهم يبغونا ننفصل بس ما توقعته انه يسايرهم في الي يبونه ..

وابوي كان مسافر عمرة العيد رجع وعرف المشكله سمع مني واتصل على زوجي عشان يسمع منه قال له لازم اجي بالاول تحب راس امي وبعدين يصير خير ، قال له ابوي انت تعال ونتفاهم واذا اهي غلطانه اني اوديها تحب راسك امك والي تبي قال له اول تجي تحب راسها

ابوي قال له لا تعذب البنيه وفي شي اسمه قانون وسكر التلفون

اني ليلتها نمت والصبح صحيت وخبرت امي اني ماابغيه لان الي مو واثق فيني ما يلزمني والي ماله كلمه ما يحميني بس قلت بعد بحاول ان اصلح الموضوع عشان لا بعد ما ننفصل اتندم للحظه

اتصلت عليه وقلت له تعال نطلع نتعشى برا البيت ونتفاهم ونوصل الى حل وسط يرضيك ويرضيني ونحل كل شي دام احنا تحدينا الناس في بدايتنا فهالمشكله بسيطه ماله داعي نكبرها

قال لا امي لازم ترضى عليج وعلي ودامج انك انتي كبرتي السالفه وما رضيتي تواجهي من البدايه الحين انتي حلي الشمكله بنفسج قلت له مو مشكله

دقيت على امه صدق ما كنت اني غلطانه بس مع هذا الواحد يحاول ما يخرب بيته وما كنت ابغي اندم على شي

ودقيت عليه وصارت تصارخ وغيره طبعا اني قلت لها اني ما دقيت عشان تصارخين وتعورين اعصابج اتصلت اخذ بخاطرج واعتبريني مثل بنتج وغلطت وفهميني وعلميني الصح من الغلط

قال لازم اجين تواجهين وسكرته وقلت لها بروح مو مشكله
وطبعا مستحيل كنت اروح .. وبالليل ابوي دق على خاله قال يمكن خاله فيه امل .,.. طلع انه العائله كلها متفقه علي انه يبغونا ننفصل

اهله قرروا انه ننفصل اني استانست وارتحت حسيت اني تحررت من قيود صدق كنت احبه ومستانسين بس نفستي تعبت من الضغط على اعصابي وافعال امه

وبعد سبوعين خطبت له امه وحده قريبتهم والظاهر انه الا اخذها تتبع امها وحس بالفرق الي بيني وبينها وتعب نفسينا

وليلة ذكرى زواجنا اتصل علي وكلمته قلت له مو مشكله بسمعك ماني خسرانه وسمعته وما كنت مقتنعه اني ارجع له طول ما انه ما عنده شخصيه ويتبع امه بكل شي

ووعدني وغيره وبيتغير

طبعا اهلي ما يدرون بالشي اني قلت له مو مشكله برجع بس بشروطي

بس اهلي ما راح يرضون .. واني متردده ارجع اخاف ارجع ويرجع نفس اول وماابغي اعيد التجربه

اني واااااثقه مليون بالميه انه يحبني بس امه اهي المصيبه؟؟

ساعدوني في حيرتي وقولولي شنو اسوي؟؟

المصدر: نفساني