الجريئة

بيانات اضافيه [ + ]

رقم العضوية : 743  تاريخ التسجيل :  10 2001  أخر زيارة : 24-05-2011 (10:57 PM)  المشاركات : 1,011 [ + ]  التقييم :  10

لوني المفضل : Cadetblue

نـحـــــــس

عشان تفرفشون شوي وتضحكون .. اسمعوها بإلقاء الرائع

عبدالرحمن بن مساعد

http://www.abyat.com/poem.php?uid=638&id=3469



g



يوم الإثنين اغتنى .. وصار بين الأغنيا ترتيبه الثالث

يوم الثلاثا الفجر مات .. في حادث

*****

فريق كورة دايما ترتيبه في الدوري .. الأخير

واذا لعبوا واستبسلوا .. قبل الأخير

وبعد السنين الممحلة .. جاهم رئيس ثروته مثر التراب

عين مدير .. عنده من الخبرة كثير

شال الكبار .. ولعب شباب

وجاب المدرب اللي له اسم مهاب

واتقدموا ووصلوا للدور النهائي

ويوم النهائي .. قبل المباراة بدقايق

في البلد حصل .. انقلاب

*****

مسكين .. شين وفقير

وفي الدراسة حاول انه يستمر

وما استطاع

وضعه صعب .. ابوه مات وهو صغير

وما ترك له إلا الفقر .. وامه واخته

والهم من فوقه وتحته

وما لقى لاجل الهروب من الضياع

إلا انه يدور وظيفة .. أي وظيفة

ولقى من ضيقته مخرج .. وظيفة دخلها معقول

يمشي الحال لو اعرج

ومرت سنة وسنين

والمسكين .. صارت كل آماله زواج

واتزاحمت في داخله الأسئلة

من هي اللي بتقبل به ؟ وليه ؟

وفي يوم ما مثله أبد .. شافها ..

اجمل من اجمل ما رأى

واضحكت له .. مستحيل .. !! اضحكت له !!

ومشت من أول الحارة .. ولحقها

وادخلت في بيت جاره .. سأل عنها وعرف

انها قنوعة .. واسمها سارة

تصير اخت لمرة جاره

ارسل لها اخته .. تجس النبض

جت البشاير .. راح لأمه

وفرحته كبر السما والأرض

وااااااااااافقت .. !!

ابشرك يمه .. لقيتها يمه

سارة اخت حصة مرة منصور

ابيها وهي تبيني .. وابغى منك الشور

حلاص يمه خلاص ..

باقول لهمومي الوداع .. باقول لهمومي الوداع

قالت له امه ..

يا ولدي .. بس هذي اختك في الرضاع

المصدر: نفساني