ام سمير

بيانات اضافيه [ + ]

رقم العضوية : 21469  تاريخ التسجيل :  10 2007  أخر زيارة : 19-04-2009 (12:51 AM)  المشاركات : 15 [ + ]  التقييم :  10

لوني المفضل : Cadetblue

سلام عليكم استاذه ساره انا عندي اليوم مشكله مع بنتي وماني عارفه اطرحها هنا ولا في قسم تاني؟؟
بنتي عندها19سنه العام اتخرجت من الثانويه العامه كان كل طموحها انها تدخل العلوم الصحيه ولكن ربنا مااراد ماتتصوري ماخلينا ولاطريقه عشان تدخلها ومادخلت المهم اخيلا جاها قبول عن طريق النت في كلية اعداد معلمات وربناسهللها امرها ودخلت على طول بس والله من يومتها والبنت اتغيرت 180درجه صارت بنتي بلا روح وعلى طوووووول زعلانه وبس تنام ولو نامت ماتبغى تصحى ولو صحيت ماتبغى تنانم وماتطيق لي كلمه وعلى طول مكشره وهي ماشاءالله عليها ممتازه اتخرجت من الثانويه ب92بس في الكليه جابت رسوب في الرياضيات ول مره في حياتهاوالله مره مزعلاني على طول مكتئبه وحزينه وجابلي الهم وقبل شهر تقريبا في ناس كلموني يبغو يجو يخطبوها وانا قلتلها بس سبحان الله ماجو وحسيت انها زعلت بزياده شافت الزواج يمكن هروب من الدراسه ماني عارفه والله ايش اسوي معاها انا اقولها المهم انك تمسكي شهاده في يدك وتكوني متعلمه بس احسها ماهي متحمسه مررررررره للدراسه ونفي انها تتكلم مع احد ويفهم ايش صارلها هي مررره ماهي قريبه من ابوها وعلى طول تكش منه لأن ابوهم شويه جامد معاهم ودايما يصارخ عليهم ومرره محتاره معاها نفسي انها تتواصل معاكي عليش انا مزعجه عارفه بس هذه بنتي لوحيده ماعندي غيرها وصعبانه عليه اتمنى انك تساعدني وما تتاخري عليه