المشاركة الأصلية كتبت بواسطة امبراطور

السلام عليكم ورحمة الله وبركاته
حيا الله اخواني و خواتي
انا سأطرح لكم معانتي لعلي ان اجد لديكم حلا لمشكلتي بإذن الله
انا عارف ان مشكلتي طويله بس راح احاول اختصر بس طولوا بالكم الله لايهينك
أنا عمري 22 وزني كان 84 والحين 67
المهم انا بداية حالتي في شهر خمسه من السنة الماضيه كنت اسوق السيارة لوحدي فتثاوبت فجاء شي حار لحلقي وفقدت وعي فترة ثواني ومن ثم رجع مع زغلله في عيوني وقفت عند المسجد وتوضيت وتعوذت من ابليس وركبت السيارة وجاءني خفقان نبضات قلبي سريعه مره فوقفت عند المستوصف وقالوا مافيك شي عطاني منظم ضربات قلب وقال اذا جائك مر ثانيه خذه رجمت المنظم ولا ادري عنه فرجعت للبيت مع صعوبه في بلع الريق ومع خوف المهم استمرت كم يوم عادي الحمد لله بعدها صار قلبي يقومني من النوم احس بعق وراه شاد اقوم من النوم رحت للمستشفى وسويت تخطيط وصورة تلفزيونيه وقالوا الحمد لله سليم
فمره اكلت شي حار وصارالاكل في حلقي رجعت للمستشفى وعملو منظار للمعدة وقالو ارتجاع مرئي مع التهاب في جدار المعده عطوني نيكسيوم ودوبي واستمريت عليها شهر الحمد لله الحاله جدا مستقره في ذيك الفتره بعد ما خلص العلاج صار قلبي يدق دقا خفيفه واحس انه يوقف بعدين يرجع النبض الحمد لله سليم المهم جاءني خوف من الموت وصار كل مااوجعني شي اقعد اقول هذا مرض خطير والى اخر الكلام رجعت للدكتور حق المعده وقال انت مافيك اي شي وصرف لي نفس العلاج بس معه حبه منومه اخذها قبل النوم وقال ان استمرت مشكلتك رح للطبيب النفسي المهم انا ماصدقت كلامه رحت لبعده لكم دكتور وقالو نفس الكلام ان استمرت المشكله رح لدكتور نفسي المهميوم دخل رمضان ومليت وصرت ماصلي التراويح رحت للدكتور النفسي وقالي انت تشتكي من رهاب مدري اكتئاب فصرف لي علاجين سروكسات والثانس مااخذته صارفه بوصفه وتوقيع وختم المهم اخذت السروكسات سبب لي اعراض وتركته وصرت اخاف من العلاجات
انا طولت عليكم بس اقول لك الاعراض التي تأتيني باستمرار /
1) خوف من الموت وأخاف من السكتة القلبيه لان واحد من جماعتنا من بعيد مات بسكته وصرت اخاف .
2) ماأحب اطلع من البيت وان طلعت اصير خايف ومرتبك ولا اعرف اسوق
3) احس ان عقلي موب معي مدري وشلون اوصف لك يعني احس ان مدري وشلون عايش بالدنيا مدري وش لون اوصفه .
4) شعور غير مريح في القلب ودايم يدي على قلبي اراقب النبضات
5) الالام بالعظام والمفاصل عند الاستيقاظ من النوم .
6) أحلام مزعجه عن الموت.
7) احس اني مااسمع زين فيه شي باذاني مقدر اوصفه بعض الاوفات احس اني اسمع صفير وبعض الاوقات مااركز وكذلك النظر احس اني اناظر اشياء غريبه .
8) الالام متقرثه قي الباطنيه احس ساعات ان اعضائي متلاصقة وساعات اشياء مقدر اوصفها .
9) احس باشياء حارة تمشي في عروث الرأس وتشد علي .
10) احس في بعض الأوقات اني مأعرف اتنفس.
ساعدوني تكفون