|
حياة افضل هذا كل اللي ابيه
السلام عليكم
انا عمري 21 سنة ومشكلتي اني كنت الى وقت قريب اعاني من التحرشات الجنسية في البيت والمدرسة وحتى بالمسجد وهذا الشي اثر على نفسيتي كثير وخلاني اكره الخروج للناس وصرت ملازم للبيت اوقات كثيرة وابوي من النوع اللي يدلل ابناءه وهذا زود الطين بله فتدليع ابوي لي بالاضافة الى خوفي من مواجهة الناس خلاني عديم الثقة بنفسي ضعيف جبان متناقض اناني مقدر اعبر عن نفسي ولا اقوى على تحمل اي عبء مهما كان
والطامة الكبرى اني اكتشفت اني للان مازال لدي مشاعر طفولية بمعنى اني اخاف واحيان ابكي من الصراخ العالي واخاف اذا بعدت عن اهلي او اذا صار شي وابوي مايكون موجود واخاف من الظلمة ومن الحيوانات واخشى واخجل جدا من مواجهة الناس والمضحك المبكي بهالشي اني حتى ماعرف شي عن عاداتنا القبلية لاني كنت اخاف من حضور العزايم وهذا خلاني جاهل باشياء كثيرة وهذا اخجل اهلي مني كثير لاني اكبر عيالهم
وانا والله اتعبني التفكير افكر بهالشي طول يومي واقول في نفسي ابوي ماهو دايم لي لازم اعتمد على نفسي لان المستقبل مخيف جدا ويحتاج له اناس اشداء بس كيف والله صعبة ..
وعلى فكرة انا ادرس بكلية المعلمين وباقي لي سنة واتخرج واصير معلم والبيئة المدرسية تحتاج اني اكون انسان اجتماعي لكني اخاف اخاف جدا ..........
فقدت الرغبة بكل شي و كل شي اسويه اطفش منه بسرعة وصرت تايه ما ادري وش ابي بالضبط بهالدنيا..
ارجو انكم تساعدوني
قد يكون عرضي لمشكلتي عرضا عشوائيا لكن سامحوني انا ما عرف ارتب الافكار واصفصف الكلام
|