|
مشكلتى انى ........ ! ! !
اولا سلام عليكم
ثانيا انا هتكلم باللغه العاميه عشان اخود راحتى واللى يقرا يفهم انا جوايا أيه
انا انسان بهزر 48 ساعه ف اليوم بس يدكتور مش دى مشكلتى انا اققولك مشكلتى ايه يدكتور انا ببقى طبيعى مع أى حد وبهزر مع اى حد سواء اعرفو او معرفوش بتكلم جد الجد مع اللى اعرفو او اللى معرفوش بكون على طبيعتى مع الكبير والصغير زى متقول يدكتور باخود راحتى مع الكبير والصغير تمام لحد كدا
مشكلتى بقى يدكتور انى ببقى غير كدا نهائيا بتغير 360 درجه مع البنات اللى ف سنى هتيجى تقولى يدكتور اتقى الله يبقى انت مفهمتنيش انا طبيعه عملى بيدخل فيها البنات المهم انا عارف انك هتساعدنى هتقولى بقى ايه مشكلتك مع البنات انا اققولك يدكتور انا ف طبيعتى انى لما ببقى ف قعده فيها اصحابى او اى حد مببطلش كلام ومببطلش هزار وزى متقول ببقى راديو لما باجى بقى مع اى بنت بتغير تمام مش ببقى اسامه اللى مش بيتحرج من اى حد نهائيا بتغير تماما وببقى طول القعده ساكت اظن ابتدت توضح الصوره ثوانى بقى عشان هعقدهالك تانى المشكله انى لو بتكلم ف التليفون مع نفس البنت اللى بسكت معاها لما اققبلها ف وشها لما بكلمها ف التليفون برجع اسامه العادى بل وببقى اسامه اللى مبيخافش اللى مبيتحرجش زى متقول كدا ببقى دنجوان وعشان حضرتك تبقى فاهم يدكتره انا مش بتكلم على مثلا الانسانه اللى بحبها لا انا كدا مع اى مخلوق انثوى على وجه الارض وانا بجد نفسى احل مشكلتى مش علشان اكلم بنات بقى وانطلق لا يدكتور الحمد لله انا مليش ف الكلام ده بس انا نفسى ابقى على طبيعتى عشان بجد الموضوع ده بيضايقنى لدرجه انى بفكر فيه كل يوم قبل منام
امنيه حياتى بجد احل مشكلتى
امنيه حياتى بجد
امنيه حياتى
أمنيه
نفسى بجد يدكتور
|