نفساني - عرض مشاركة واحدة

20-03-2009, 03:29 AM

خواطر رماديَّة !!
----------------

على رصيف المحطه وقفت ..مسْتَنِّى القطار

( جارى ) شايل شنطه ؛ و( آخر ) فى انتظار

واحد جاى يودَّع مُسافر ؛ والتانى يستقبل حبيبُه

وما بين وصول ووداع بتنتهى الأعمــار

******************************

فى وسط الزحام عايش ؛ لكن وحيد شارد !

بينى وبين الناس يفصل جدار بارد

قام واتنبى فى سنين طويله

عشان أحطم جدارى ؛ يلزمنى أكون مارد !!

***************************

خلص الكلام فى لسانى ؛ أصبحت أخرس صامت

القلب مليان مشاعر ؛ لكن حروفى ماتت

ياهل ترى متقدَّر ؛ أقول عن نفسى وأعبَّر

والا سنينى مرت ؛ وفرصتى فاتت ؟!

**************************

يارب : اغفر لى ذنوبى ؛ وحُطْ سيئاتى

وارفع عنى همومى ؛ وخفف مُعاناتى

ويسَّر لى امورى واسترنى فى الآتى

وارزقنى رضاك عنى؛ واختم بخير حياتى

( كُتبت فى لحظات ضيق ؛ فمعذرةً )