نفساني - عرض مشاركة واحدة - الحب الحقيقي !! اين؟ وكيف ؟ قبل ام بعد الزواج ؟

21-10-2002, 07:57 PM

إيه
آهات ...
كل القصص التي ذكرتيها إعجاب وليس حب

* أنا حقيقة معجب بفتاة تقرب لي ومخطط إن شاء الله أخطبها لكن مسألة الحب تعني البوح تعني العشق والعشاق مفظوحون .

مسألة ميل القلب لقريبتي لا يتعدى كونه إعجاب .... يعني أنا معجب فيها صراحة .

الحب مختلف تماماً

أنا ما أمنعك من الإعجاب لأن هذا ميل القلب مو بيدنا
لكن الي أبي أوصل له محدد هو : -
1- لا تحاول تعيش نفسك في قصة حب وغرام من طرف واحد وأن هذي البنت الي ما راح أحب غيرها وما راح أتزوج غيرها ، ويا حظي لو كانت تحبني ولو اكتشفت أنها ما تحبني أنا باكره الحياه ..

كل الي يحصل قبل الزواج عبارة عن إعجاب وقصتك الثالثة تشهد على كذا .

والان لكم تجربتي مع ما يسمى بالإعجاب
أنا كنت معجب بقريبة لي تصغرني بسبع سنوات .. وطبعا كانت تكشف على لانها صغيرة ..
انا بديت أكتب من القصايد عليها وبديت أسوي الي بيني وبينها كأنه الي بين قيس وليلى ، كنت ما أنام الليل من التفكير .
بعد كذا فكرت قلت أنا صاحي أضيع عمري وتفكيري ووقتي على شي يمكن ما يحصل .
فتوقفت عن التفكير فيها (( الي هو الحب في رأيك ))

وقلت المسألة ببساطة انا معجب فيها واذا صار وقت الخطوبة نخطبها ان شاء الله ..

لكن أني أعيش نفسي في غرام وسهاد وعذاب وحب وضنى ودموع
لا والله ...
من تعلق بشئ وكل إليه ..
وبعدين أنا ما عندي في هالدنيا شغل إلا أني أحب واكتب قصايد حب ..

وبعدين الي ما عنده وحده معجب فيها ووده يتزوج بالطريقة التقليديه والله انه ما فاته شي ..

أخي صوت الشباب...
_ رأيي شخصي _ : -
أني أتزوج من وحده تعرفت عليها بالانترنت .. مستحيل
لآنه وببساطة أنا عندي بدائل كثيرة .. البنات الزينات الي في سن زواج وجالسات ببيوتهن كثيرات والحمد لله .
ما عليك إلا أنك تروح لأمك وتقول لها : يمه أبي بنت على قدر من الدين والجمال والأخلاق و و و وعطها بعض المواصفات الي تبيها .

ليش أنقز واروح أتزوج وحده تعرفت عليها بالانترنت .. ليش ؟؟؟
حب التغيير يعني ..