|
اريدكم ان تحللوا شخصيتي وهل انا مريض ام لا !!
السلام عليكم ورحمة الله وبركاته :
اخواني الكرام انا متضايق صراحة من نفسي وبقول اللي عندي بكل صراحة :
1- انا موب معجبني شكلي بحيث اذا وقفت امام المرآة احس عدم الرضا عن شكلي وخاصة اذا جلست اتكلم واشوف نفسي طوالي اصد وماتحمل اشوف شكلي وانا اتكلم .:confused: :confused:
2- انا احاول اخفي اي شيء اسويه عن الناس يمكن مخافة النقد ولا خوفا من التعليق حتى ولو كان شيء كويس ولا هو عيب .
3- احس ان الناس محتقريني واحس اني بلا هدف بهالحياة ومالي كلمة وماعرف اتحاور ووووو ( مادري وش السبب ) .
4- انا انسان شكاك جدا جدا جدا بحيث اذا جلست مثلا لوحدي وجلس اثنان يتكلمون او يضحكون طوالي يدخلني الشك واحس انهم ينتقصوني او ... .
5- انا غير اجتماعي يمكن للاسباب السالفه الذكر .
6- انا حاس بعقدة نقص وهي انه ليس لي ( لحية ) ادري ان هذا خلق الله لكن وش اسوي علما ان عمري 21 واكثر زملائي اللي بعمري اشكالهم كبار الا انا ؟
وايضا عندي مشكلة لكن مااقدر اقولها بالمنتدى لازم اقابل احد الدكاترة على الماسنجر لاني بصراحة اخجل اني اقولها هنا .
7- اخيرا وليس اخرا اقول لو احد يشوفني يقول هذا طبيعي الا اللي يدقق يمكن يلاحظ علي هذا الشيء ولكني من داخل اتعذب عذاب لايعلمه الا الله .
جزاكم الله خيرا وارجو ان اي واحد يقرأ مقالي الا يستهزي وان يدعوا لي بالشفاء .
والسلام عليكم ورحمة الله وبركاته .
|