|
مشكلة عاجلة ارجو المساعدة
مشكلتي أرجو المساعدة
السلام عليكم ممكن تكون مشكلتي طويلة لكن بتمنى انكم تقرأوها
لأني محتاج المساعدة
بالبداية سأعرفكم بشكل مختصر بي
انا شاب عمري 21 أعيش وسط اسرة رائعة مؤلفة من امي وابي
ليس عندي اخوات حالتنا الاجتماعية والمادية جيدة
انا لا اعاني من أي ضغوط او مشاكل وحتى اني لا اعمل وليس عندي
مسؤوليات
باختصار حياتي لايوجد فيها أي سبب يدعو لأكون متوتر وقلق
والحمد لله كل الاشخاص الذين يعرفوني بيحبوني وماعندي أي مشاكل
بالتعامل مع الناس بالعكس الناس بتلجا لي لأساعدها ويمكنني بكل سهولة تكوين صداقات وبالأوقات العادية اعيش حياة رائعة
مشكلتي بدأت من طفولتي اهلي لاني وحيد وما عندهم غيري كانو يخافون علي كتير بسبب هاد الشي كنت مابطلع كتير من البيت
ولما اطلع والعب مع اصدقائي بمرض مرض صحي لأنو مناعتي ماكانت قوية
وكانو يخافو اني انأذى باللعب فكنت بقعد بالبيت
هاد الشي سببلي وحدة
وانا متل ماذكرت مابعمل ولا عندي مسؤوليات غير اني ادرس
فصار عندي فراغ كبير ووحدة هنا بدأت المشكلة
من حوالي سنة ونصف بدأت حياتي بالتدهور
اصبحت وانا نائم بشعر متل اني لا استطيع الاستيقاظ مع اني بشعر بالمكان
بدوم هاد الاحساس لدقيقة بعدها بستيقظ بذعر
قرأت بالانترنت عن الموضوع وفهمت انو سببو نفسي
وهاد الشعور صار يراودني كتير
بعدها زادت المشكلة وصار وانا مستيقظ بشعر بثقل باصابع يدي وتنميل وبرودة
بعدها زاد الاحساس لشمل جسمي كلو بشعر بثقل ودوار وقلة شهية وتعب
وصرت بشعر بحزن وبميل للتفكير اني رح يصيبني شي سيئ كنت عم حس كأني رح انشل
رحت لعند الدكتور وقلي انو مافيني شي ونصحني بدواء اسمو لوكستان وفيتامينات
انا تحسنت عليهم
بس خلال السنة والنصف الماضية كل فترة بشعر متل هيك الأحاسيس وايام بتزيد او بتقل وايام بتراودني احاسيس مختلفة متل وجع بالرأس او تعب بالعيون
بس من وقتها ماحسيت براحة
وحاسس من وقتها اني مو متل ماكنت قبل ما يصير معي المشاكل
من شهرين صار معي مشكلة جديدة بالأضافة للأحاسيس السابقة صرت وانا نائم بحس بألم بأمعائي وصدري بيألموني بعدها بس لأستيقظ بتزول
وايضا أوقات بشعر اثناء النوم بتوقف بالقلب أو شي مماثل
بعدها صرت اشعر بتسرع بالقلب كل يوم وانا مستيقظ لحتى نام والم بالصدر والظهر وحتى بيدي اليسرى
ذهبت لعند دكتور قلب وعملي تخطيط وكان طبيعي وماظهر أي مشاكل عضوية او صحية
واعطاني اندرال وقلي حالتك قلق
بس انا بشعر فعلا بتوتر مالو سبب فرجعت حالتي النفسية سيئة فأخذت لوكستان
حاليا مازلت اعاني تسرع بالقلب بس انا توقفت عن اخذ اندرال و لوكستان
بس انا متل ماقلت انا ماعندي أي سبب لأقلق او اتوتراو ان تكون حالي على هاد النحو
خايف ان تزيد حالتي سوء وخاصة اني سنة ونصف بقالي عم اعاني من المشاكل
والان اصابتي تسرع القلب
خايف انها تستمر معي او اني انصاب بمشكلة قلبية لاني عم اتعب قلبي
او ان تزيد مشاكلي مشكلة جديدة
أنا اريد ان تشرحولي ماهي حالتي وكيف ممكن اتعالج مع العلم انو لا يوجد عندنا بالعائلة شخص عندو مشاكل نفسية
وايضا لا اريد الذهاب لعيادة طبيب نفسي
للتذكير ماحدا من اصدقائي او اقربائي لاحظ اني اعاني من مشكلة خاصة
وانا كل يوم بحاول اني اتخلص من مشاكلي وعيش متل أي شخص بس دائما الأفكار بتراودني الاحاسيس بترافقني
انا بتوقع مشكلتي سببها الفراغ والوحدة وعدم وجود عمل اقوم به او نشاط مفيد والله اعلم
شكرا لكم وبتمنى مساعدتكم عشان اعيش واستمتع بحياتي
|