مرهفة الإحساس

بيانات اضافيه [ + ]

رقم العضوية : 27300  تاريخ التسجيل :  03 2009  أخر زيارة : 23-03-2012 (12:49 PM)  المشاركات : 55 [ + ]  التقييم :  10

لوني المفضل : Cadetblue

لو تكرمت برفسور ممكن آخذ رأيك؟

السلام عليكم ورحمة الله

اولاً احييك على تجاوبك معنا الله يجزآك بالجنــــــة على هالخدمات

والمجهودات الطيبه والكريمه منك,,,

اسأل الله أن يوفقك ويسعدك بالدارين

سلمت واعانك الله على نشر الخير ..


بالنسبة لي برفسور سبق وأن كتبت بياناتي..

ووضحت مشكلتي..

متملكه لي سنه ونصف زواجي بعد 3 شهور
حصل بينا خلافات فترة الملكه والآن استقر الوضع الحمدلله
لكن مشكلتي متخوفه كثير واخاف تكثر المشاكل مثل ماذكرت لي
أنه إذا صرنا ببيت واحد بتزيد الخلافات من يومها وانا شايله هم..
وايضاً حاسه إني ماحب زوجي مادري ليه اقسم بالله حاولت
وكذبت على نفسي كثير وماني عارفه شسوي؟؟
مادري ليش اتضايق منه لأتفه الأسباب حتى هو الفتره الأخيره
يقول وشفيك؟وليش صوتك كذ1؟ تعبانة..؟؟!!
وكل ماقرب الزواج زاد الخوف والتوتر أكثر هو عصبي
وأنا بسكن في منطقه غير منطقة أهلي وهذا اللي محزني وأهله بنفس الفله لكن انا لي دور مستقل..
سؤالي برأيك يجي الحب بعد الزواج مثل مايقلون؟؟

وكيف اتخلص من هالموم والخوف من المستقبل دايم افكر واخاف من المشاكل بيني وبين اخواته
مع العلم انه لي سنه ونصف ويجي ويقعد عندنا مابين 10 إلى 15 يوماً
ومع ذالك ماحس اني احبه والله وأنا قاعده أكتب هذي الكلمات انه
قلبي يتقطع لإنه ماعمري صرحت لأي شخص بهذي الحقيقه
دكتور أنا اتمنى ومن كل قلبي إني اصير احبه مثل أي زوجه تعشق زوجها
هو مو مقصر معاي ... ولا اخفيك علم انه يحدث بينا خلافات ونقاشات حاده!!
مع العلم إنه عندي اكتئاب وقلق وأستخدم تفرانيل 25

واحياناً آخذ معاه زناكس إذا تعبت بالحييل!

ياليت تفيدني لعل الله يغير مافي قلبي
ولا تحرمنا من دعائك
ولك وافر الشكر والأمتنان
ودمت بحفظ الرحمن*

المصدر: نفساني