noooor

بيانات اضافيه [ + ]

رقم العضوية : 5696  تاريخ التسجيل :  02 2004  أخر زيارة : 15-11-2010 (09:06 PM)  المشاركات : 8,386 [ + ]  التقييم :  87

لوني المفضل : Cadetblue

.
كان الشيخ كشك رحمه الله تعالى يتميز بأسلوبه الساخر والطريف فمن طرائفه رحمه الله :


كان يقول في إحدى خطبه ـ بالمعنى وبالمصري ـ :
(( كنا نبحث عن إمامٍ عادل آمْ طِلِعْلِنا عادل إمام))

ويروى أيضاً عن الشيخ - رحمه الله - أنه قال :
((الظلم تسعة أعشاره عندنا في السجن ، وعشر يجوووووب العالم كله ، فإذا أتى الليل بات عندنا))

ويروى عن الشيخ أن مسجده مزحوم بقوة ذات جمعة ، فقال :
((إخوّنا المباحث في الصف الأول يتأدموا - يتقدموا - علشان إخونهم المصلين في الخارج))

ويروى عن الشيخ أيضاً :
((اللهم صلي على الصف الثاني ، والثالث ، والرابع" فقيل له "والصف الأول يا شيخ" فقال "دا كله مباحث يا اخوّنا))

يقول الشيخ : ((في السجن جابوا لنا سوس مفول)) أي أن السوس أكثر من الفول !!!

يقول عن توفيق الحكيم عندما قال آدم عبيط : ((توفيق الحكيم حيث لاتوفيق ولا حكمة))
ثم يتنهد الشيخ ويقول متأسفا : ((هؤلاء هم أدباؤنا))

يقول عندما علم الناس بنقل أحد الخطباء لمسجد آخر ذهب الناس لذلك المسجد فأصبح المسجد فارغا ولا يوجد غير الجنود فقامت المخابرات بدفع جنيه لمن يصلي في هذا المسجد فتجمع كثير من النصارى وغير المصلين ..... ((خد بالك ده جنيه))

يقول عن بابا النصارى : ((آه ياني يللي مالناش بابا))

وقال عن ام كلثوم :
((امرأة في السبعين من عمرها تقول:خدني لحنانك خدني))
فاستطرد الشيخ: ((ياشيخه خدك ربنا))

وقال عن عبد الحليم حافظ :
((وهذا العندليب الأسود عندنا ظهرت له معجزتين
الأولى يمسك الهوى بأيديه
و التانية يتنفس تحت الماء))

ومره من المرات قبض عليه، فضابط جديد يحقق معاه
فقال: ما أسمك
قال: عبد الحميد كشك ( والمفترض أن الشيخ مشهور عند المباحث )
قال: ما عملك
فقال الشيخ: مساعد طيار ( و معلوم أن الشيخ كان ضريرا )

جمال عبدالناصر قال له يوم:
دا أنت ربي أعماك
فقال له الشيخ رحمه الله تعالى :
أعماني عشان ما شفشي وشك ( ما أشوف وجهك )

يقول : أنا بستغرب من الناس بتوع العربيات ... زي اللي راكب تاكسي وكاتب عليه إيه ... ياناس ياشر بطله قر ...
جاتك خيبة ... طيب اكتب ماشاء الله لاقوة إلا بالله !! ... قر إيه..؟؟!!

التاني كاتب على العربية إيه ... ماتبصليش ياعبيط دا أنا شريها بالتقسيط !! ... طيب يابتاع اللبن يابتاع القسط ...
ماتبصليش آل ياعبيط !!

زي اللي كاتب على العربية بتاعته ... إيه اللي ماشي ورايا مغفل ... واللي كان ماشي وراه بتاع المرور قال له :
تعال ... يبقى أنا مغفل والله غير معلمك الأدب !!

حاجة غريبة تمام!!
زي اللي برضه يكتب على يركب عربية وكاتب عليها ... كايداهم !!
كايدة مين ياحبيبي ؟؟!! كايدة ألمانيا ؟؟!! كايدة إسرائيل ؟؟!! كايدة مين ياغلبان ...

ولا التاني يبقى محمل العربية دبش وزلط ... وكاتب عليها إيه :
مع السلامة ياجميل
هو فين الجمال ياابني ... دا انت تقول يامِية ندامة على اللي حب ولا طال

بيبقى بيبيع فول مدمس ... وكاتب الحسود لايسود ... يحسدوك على خيبة إيه ...

- يسمع محرم فؤاد بيقول ... رمش عينه اللي جرحني ... جرحك ؟؟!! ...
هو رمش عينه موس حلاقة ... ياولد هو إيه ؟؟

- خدوا السيد الأبنودي يومين في السجن الذي كان محبوس فيه الشيخ كشك ... وبعدين احنا قاعدين معاه قال:
الواحد يعني لازم يقدم للبلد خدمات ومواهب ...
فقلت له: حضرتك قدمت إيه من المواهب؟؟
قال: انتم مش عارفني؟؟!!
قال الشيخ: والله بنحب نتشرف ياابني ...
قال: ده أنا فلان مؤلف اغنية تحت الشجر ياوهيبة!!
ماشاء الله ... إيه ده ... إيه الفتوح والتجلي ده ... إيه ياواد يابتاع وهيبة انت!! إيه العظمة دي ياسيدي ... تحت الشجر ياوهيبة ...
إسرائيل بتجيب صواريخ هوك ... وطيارات إف 15 ... وإف16 ... واحنا أُف منكم!!
إيه ياوهيبة أيه!!
هي دي المسألة طول النهار ... مافيش غير الحب والفراغ والتبجح ... واللي تقول لها يمّا اعملي معروف ... ماعادش فيها كسوف ... يا تفتحي له الباب
ولا أناديله ... آآآآآناديله ... نور آناديله ..

- وحد من الجيران وصف له قلتنا يمّا القمر عطشان ...
شفتم عمركم القمر بيبقى عطشان؟؟!! يما القمر على الباب..
الأخرى روسيا طلعت القمر ... وأمريكا طلعت القمر ... واحنا لسة القمر بتاعنا على الباب
مش عارف إمتى بقى راح يسيب الباب؟ ...

مما قاله الشبخ في الاناس الي تربي الكلاب:

بقى الناس مش لاقية تاكل ... ودا مربي كلب ... الناس نايمة على الرصيف ودا عامل للكلب غرفة لوحده ...

والناس نايمة على الرصيف ... وبيبقوا نايمين على الرصيف الواحد يقول للتاني : إيه وسّع شوية ياأخي
يرد عليه: انت عاوزني أنام في الشارع؟؟!!!
أمال انت نايم فين ياابني

ويبقى الناس مش ملاقية مواصلات ... وتلاقي بيجو (اسم الكلب) ... دا هو باصص من شباك الشيفروليه وانت واقف على المحطة بقالك ثلاث ساعات ...
والكلب باصص الك ... وبيضحك لك ابتسامة زرقة ... ابن كلب حتقول ايه يعني ...

شيفورليه ومرسيدس كمان ... واحنا مش لاقيين حمار سيدس!! ...
حتعمل إيه تقول يعني :
ياليتني كنتُ ...هههه حتعمل إيه ؟؟!! ماانت عاوز توصل

وحد الله وقول لاإله إلا الله ..

النهار ده في كلاب أحسن من موظف درجة رابعة...
يعني الكلب إذا ماكملش كيلو الكباب ... تلفون يضرب للدكتور البيطري
*يابيه
*نعم يامدام
*ده بيجو ماكملش ال....أنا خايفة يكون في حاجة في الجهاز الهضمي

الصور دي موجودة

يعني إذا الكلب مانامش شوية بالليل ... لابد الدكتور يكشف عليه يشوف عنده زكام ولانزلة برد ...

الفقير النهارده بيروح المستشفى ... بدون ما الدكتور يكلمه ... يبقى رايح عينيه وجعاه ... الدكتور يطلع أي تذكرة يعطيها له ... تطلع تذكرة إيه؟؟!!
ده عينيه وجعاه ... تطلع زرنيخ وحديد!!!

يروح له عنده مغص في بطنه يعطيه تذكرة قطرة!!


- الناس زمان كان فيها خير والله ... حتى العيال الصغيرة في المدارس ... حتى الأناشيد اللي كنا بنحفظها ... زمان كانت تعلمنا الأخلاق والأدب

كان بيقول لك:
كم ياأبي لك من يدٍ عندي وكم لك من أثر
أنت الذي ربيتني ورعيتني منذ الصغر
وكسوتني وغذوتني ووقيتني شر الغِير
فإذا ألم بين الضنا حل الأسى بك والسهر
تدعو الطبيب ولاتني حتى يجاوزني الخطر
وأفدتني العلم الذي هو كنز مالي المدخر
وتظل تكدح في الحياة لحاضري والمنتظر
هو يا ابي دينٌ عليّ أرده عند الكبر

واحنا عندنا 8 سنين و 9 سنين
امبارح بقول للواد ابني ... اللي في تالتة ابتدائي ... أخدتم إيه أناشيد
أنا بفكر انهم بياخدوا الأناشيد بتاعتنا ... اللي بتخلي الواد يحترم أبوه ...

قال لي: أخدنا نشيد القطة مشمشة!!

قلت له: قله ... قله

بتعرف ... اسمع ياسيدي ... اسمع التعليم بتاع التربية والتعليم يا خويا

أنا حفظته أعمل إيه
اسمع ياسيدي

ياحلاوة القطة مشمشة = في وسط عيالها مفرفشة
بتقول لهم بالناو نوا = اكل الفيران ليكم دوا
بخاف عليكم من الهوا = لو كلب صاح ولاعوا

الله أكبر!!!

ياسيدي يادي تربية
قلت له: بِـس يا ولا

آه امال إيه كلام بيخربش ههههه



من أقواله - رحمه الله - التي تستحق أن تكتب بماء الذهب قوله :
((الدنيا إذا ما حلت أوحلت
وإذا ما كست أوكست
وإذا أينعت نعت))


رحم الله ذلك الأسد
الذي عرض عليه الخروج من مصر فقال: ((هذا التولي يوم الزحف))

.