نفساني - عرض مشاركة واحدة

26-10-2002, 02:40 AM

عمري22سنه متزوجه من رجل يكبرني 17سنه وله 3بنات وولدين
المشكله معقده من كل النواحي بدات من يوم الزواج تصورو انه
زعلان لاني كنت خجلانه منه ومن يومها واحنا على ها لحال اقوم الصباح عشان
افطره يصرخ في وجهي نامي لا تقومين :mad: اجهز اغراضه يرفض ويقول
اعرف اطلعها من الدولاب يقول اذا بغيت شي طلبت منك مع انني حريصه جداًجداً
اني ما اجرح مشاعره حتى لو كان هو الغلطان اعتذر له واحب راسه وطبعي كذا
حتى مع زوجي الاول..........وانا من النوع اللي ما عرف ازعل ابداً مهما كان السبب المهم كنت احرص على اني اكون بمضهر زين قدامه ولا عمره شافني بشكل مو لايق والمشكله انا وبناته متفاهمين لاقصى حد لانهم في عمري
والفرق سنه او سنتين والولد الصغير كان متعلق فيني المهم ام زوجي كانت عصبيه اقصى حد ولاتحبني ولاتبغى مني اي شي ولا تاكل من طبخي وتدور
اي شي علي وكل ما اقدمه لزوجي او اولاده تعتبره كيد مني عشان اكسب قلب زوجي والله يعلم بالنيه وكل ها لكلام والاكاذيب كانت تقولها قدام زوجي
وكان ما يرضى لانه عارف اني ما اسويها وتكبر السالفه حتى يتهاوشون هو يطلع من البيت وهي تروح عند اختها وتشتكي مني مع انهم عارفيني يحاولون
يفهمونها خطاها لاكن.......المهم قدر الله وحصل حمل رغم اني استخدم حبوب منع الحمل وانصدمت صدمه فضيعه مع اننا متفقين تاجيل الحمل بعد ما نفهم بعض على الاقل سنه المهم كنت خايفه من ردة فعله صار اللي توقعته صار اشد من اول وكان فيه ذرة رحمه وللاسف انعدمت وصارانسان ثاني اتضحت لي امور كنت اجهلها اتضح لي ان له علاقات مع بنات وبالاخص مع امراه مصريه
ولقيت ورقه بالسماح له بالزواج منها طبعاًورقه ب تاريخ قديم وكلمته وجلس يضحك وينكر ويقول
صدق ناقصات عقل ودين وماحبيت اضلمه واستعجل وكلمته اني ما قدر اصبر ووعدني انه يتعدل .وكما كان مافيه جديد وصبرت والصبر قتال بس مافيه فايده
يجيب اكل من برا ولا يعمل حسابي ولاكاني زوجته مصروفي يمده مو كامل وبدون نفس تعرضت لضغوط نفسيه من امه ومن زوجي وفجاه كنت متضايقه من تصرفاته اغمي علي ولا كاني شي واجلس اصح من كتمه في صدري وتعب حتى مااقوى اقوم .امشي لما شافني تعبانه وداني للمستشفىوالنتائج حاله نفسيه ووبعدها بشهور طلبت منه الطلاق ورجعت عنداهلي مافيه فايده بعدشهور
جا ء يوم العيد يسلم وكانه شخص ثاني وبعدها صار يجينا ونطلع انا وياه
ونجهز لمولودنا الجديد واشترى كل اللي احتاجه او يحتاجه المولود فرحت من
تصرفاته توقعته تحسن .....وبعدها صار يردد اجي تادية واجب بس
توفى ابوي وتصورو المفروض يكون اول من يواسيني جا اول يوم من العزى
ولاجا الا بعد اربع ايام بعد مابشره بالمولود ورجع زي اول اتصلت بي الوحيده
من اقاربه اللتي تواسيني وهي خالة زوجي واخبرتني ان زوجي ليس له ذنب
امه اللتي تجبره علىطلاقي وهي تمنعهم من مواساتي بموت ابوي وزوجي
يجي كل اسبوع وجاب لي شغاله تخدمني فترة النفاس لاني كنت تعبانه ولان امي متوفيه . وبعدالنفاس رجع زوجي زي اول وانا الى الان عند اهلي
وطلبته يخلصني وكان يوعد ويخلف واخيراً اتصل وقال لي انتهينا والى الان ماجاءت ورقه الطلاق ماادري انا مطلقه او معلقه ماادري وش الحل معه
لي سنه على هالحال

المصدر: نفساني