نفساني - عرض مشاركة واحدة

25-04-2009, 07:01 PM

شائعه سخيفه سرت بأن " الزمالك " ناوى يفوِّت للـ " اسماعيلى " نكايةً فى
الأهلى .. زعلت ؛ فقُلت :

قالوا إلحقونا : الزمالك ... للماتش ح يفوِّت

قُلت : ده كلام فاضى ... بيزَعَّل ؛ ويموِّت

نادى الزمالك أصيل...طول عمرُه ف العالى

واللى بيتهمووووه ...عقولهُم خلاص هوِّت

*********************

والنادى الإسماعيلى ... بينافس برضُه بشرف

هوَّه طرف أوَّل ... والأهلى تانى طرف

والدورى فى الملعب ... والكوره مالهاش كبير

اللى تعب واجتهد ... من النقاط اغترف

***********************

ياريت بقى الصحافه ... تصحصح كده وتفوق

ولنشر الشائعات ... ماتكونش زىْ البوق

وتراعى كمان مشاعر ... وعواطف الجماهير

وتبقى تحليلاتها ...بموضوعيَّه وذوووق

**********************

وانتم ياعُشَّاق الكوره ... بلاش بقى ننساق

ورا كُل كلمه فارغه ... تُدَمِّر الأخــــــــلاق

وتُنْشُر روح عداوة ...وتبُث فينا الفُرْقة

كاتبها ناقد خايب ... للشُهره والصيت مُشتاق

***********************

وانت بقى يازمالك ... يافن وهندسه

وريهُم من فنونك ... وافتح المدرسه

والعب مُباراه عاليه...واجعل الفوز هدفك

واقضى على الشكوك... والوهم ؛ والوسوسه

( الماتش يوم التلات الجاى )