نفساني - عرض مشاركة واحدة - دكتور هاني هذا تطور مشكلتي بعد ثلاثة شهور ارجو مساعدتي

30-04-2009, 02:13 AM

دكتور المواضيع كلها موجوده هنا فوق .. اعتقد الادارة ضبطوها ..

عموما انا بنسخهم لك في هذا الرد عشان يكون كل شي واضح

هذا موضوعي الاول قبل ثلاث شهور

السلام عليكم

والله اني تعبت و مابقى منتدى في النت مادخلت له والله العظيم ماانشرح صدري الا لهذا المنتدى وحسيت انتوا الوحيدين اللي ممكن تساعدوني في اتخاذ قراري المصيري ..

انا فتاة عمري 24 سنة .. متزوجة من سنة ونصف .. جامعية موظفة في القطاع الخاص ومرشحة حالياً للاعادة في أحد الجامعات ..

زوجي شهادته اعدادية و ماعنده وظيفة ولكن عنده محل وارثه من ابوه مع شوية املاك ..

مشكلتي اني اول ماتزوجت كانت حياتي عادية وكان زوجي طيب ويراعي مشاعري وحملت اول ما تزوجت ورزقني الله بولد ..

المشكلة بعد ماولدت ورجعت لزوجي بدت المشاكل تزيد وبدأ زوجي خلال السنة الثانية للزواج يطلع على حقيقته .. صار عصبي مررره واذا عصب يطلع من وعيه ويصرخ بأعلى صوته بالاضافة الى انه يقول كلام قذر ووسخ لما يعصب ويبدأ يسب ويشتم ,, وساعات يعصب بدون سبب .. او على شيء تافه ..

لين وصلت معاه الى انه يضربني وبرضو على اتفه سبب .. ويرجع ولا كأنه عمل حاجه .. بالاضافة الى انه مايعترف بخطأه ولا يعتذر ويظل يحط على راسي الغلط دائما وانه هو اللي على صح .. اضافة الى انه مايتقبل اي آراء مني .. ودائما يسكتي ويحطمني ويستصغر آرائي ويقول انتي شهادتك مدري على ايش ماخذتها !! ...

المهم اني انسانه هاديه واحاول اني ماأرد عليه بس في بعض الاحيان غصب عني يثيرني واناقشه ... وبرضو ننتهي بالخلاف والصراخ ..

قبل ث شهور ضربني ضرب مبرح لسبب تافه وبعدها بكم يوم صالحتنا أمه .. وانا طبعا ماعلمت اهلي وقلت اهم شي انه وعد امه انه خلاص ماراح يرجع ويضرب

المهم اني حملت وبعد حملي بشهرين رجع وضربني ضرب مبرح جدا ولسبب تافه وبرضو بعد ماضربني اخذ جوالي وقطع الاسلاك واخذ التلفون وحبسني بالغرفه وقفل علي الباب ..

طبعا انا وقتها كان عندي اللابتوب واستنجدت باللانترنت باحد المنتديات واتصلوا على اهلي وجاوا اخذوني مع ولدي وتنومت في المستشفى بسبب اصابة رضوض وكدمات شديدة بالرأس مع آلام بالرحم ..

وهذا كله صار بعد منتصف الليل وعلى وجه الفجر ..

انا الحين صار لي اكثر من شهر في بيت اهلي .. وودي اتطلق

صرت اخاف منه رغم انه طيب وانا نوعا ما مازلت احبه لكن في نفس الوقت اكرهه واحس انه كابوس يطاردني ..

انا جدا حساسه ورومانسية .. وهو عصبيته الهمجيه مخربه كل حياتنا

هو الآن يجي بيت اهلي كل اسبوع مره عشان يشوف ولده ساعه ويمشي ... ولا احد يستقبله من اهلي واخواني ... كلهم حاقدين عليه عشاني ..

وانا الان على نهاية شهري الثالث .. وافكر اقعد عند اهلي لين الولادة وبعدها اطلب الطلاق .. والا وش رايكم يا دكتور هاني !!!!! ارجع له عشان اولادي ؟؟ وشلون اقدر اتعامل معه ؟؟ وكيف اقدر احبه مثل اول بعد اللي سواه فيني ؟؟؟

علما بأني من أول زواجي منه ما لاحظت عليه اي علاقات نسائيه لا بالعكس هو ماله في هالسوالف رغم انه كان من قبل الزواج على حسب ما سمعت راعي علاقات .. لكن بعد الزواج الله يشهد اني ما لاحظت عليه اي شي من هالسوالف .. الا انه مايحافظ على الصلاة بالمسجد وهاجر للقرآن وما احس انه يحافظ على العبادات والا يخاف الله ويحسب للموت والآخره حساب !!...

وهذا موضوعي الثاني اللي طلبت فيه الاستشاره قبل كم يوم

السلام عليكم

اوجه الشكر لكم جميعا وبالاخص الدكتور هاني على الجهود المبذولة في هذا المنتدى لخدمة الناس .. وأسأل الله أن يجعلها في موازين حسناتكم ..

انا كتبت موضوعي قبل ثلاث شهور تقريبا عندما ضربني زوجي وانا حامل واخبرت بالتفصيل فيه ماذا حدث .. وأشرت علي يادكتور بأن زوجي يعاني من ضغوطات وأنه يحتاج لمن ينبهه ويوجهه ..... الخ

عمري 26 زوجي 35 وعندي ولد عمره سنه وحامل بالسادس حاليا

المنطقة الشرقيه

متزوجه من سنه ونصف

...........................

الان انا لاازال في بيت اهلي والحمد لله نفسيتي مرتاحه بالقرب من الله عز وجل مصلح الأحوال ومنفس الكروب .. و راضيه بما يكتبه الله عز وجل ولله الخيره فيما يختار

زوجي يأتي كل اسبوع مره او مرتين لأخذ ولده واعادته في نفس اليوم ولكن في بعض الاحيان ظروفي لا تسمح باعطائه الولد ربما اكون في الخارج او ارتباطاتي العائليه والولد صغير ولا ياكل ولاينام الا بحضني .. فأطلب من أمي وهي اللتي تتلقى الاتصالاات والرسائل من زوجي لاخذ الولد _ لان علاقتها بزوجي تقريبا مستقره وهو يتواصل معها فقط _ .. فأطلب منها أن تطلب منه الحضور يوم آخر ..

زوجي بدأ يتضايق من هذه الحال .. ويتضح لي انه غير مستقر نفسيا ولا مرتاح في حياته وهذا واضح في صحته اللي صارت ضعيفه جدا حاليا ..

امه جات من السفر قبل اسبوعين .. وقامت بالاتصال على جوالي اكثر من مره ولا رديت عليها .. واعتقد والله اعلم بدون علم زوجي

حاليا تجادل مع أمي وأوضح انه متضايق ومتضجر من هذه الحال وفي نفس الوقت ( مايبي يرمي نفسه علي ويكلمني ويبدأ بالصلح )

باختصار يريد مني أن أبدأ !!! لأنه يعتبر انه لو بدأ الصلح فهو مذله له !!! ومازال يرى اني انا الغلطانه وهو ماسوى شي غلط

هو عصبي جدا وعنده عزة نفس مو طبيعيه !! ومستحيل يعترف بالخطأ ويهاجمني على الصغيره والكبيره ويطبق الحكمه اللي تقول (افضل وسيله للدفاع الهجوم)

بديت أفكر بالطلاق وخايفه ارجع له !! مدري هو تحسف أو مازال ناوي لي الشر ؟؟

كيف تساعدوني افهم شخصيته وكيف أتصرف ؟؟ وهل أرد على أمه لو كلمتني ؟؟وايش اقول لها ؟؟ (علي فكره امه تخاف منه وشخصيتها ضعيفه قدامه لانه شخص متسلط حتى على اهله وهي تحبني مرره )

بصراحه محتاره وافكر بالطلاق ؟؟؟

الله يفرج همي وهم المهمومين .. والحمد لله على كل حال

((حسبي الله لا اله الا هو عليه توكلت وهو رب العرش العظيم ))