|
خيانة زوجي ونحن في بداية الطريق
بسم الله الرحمن الرحيم
أشكركم على هذا الموقع الرائع
بصراحة ترددت كثير اني اكتب مشكلتي لأني حسيت مالها حل بس ( ما خاب من استخار ولا ندم من استشار)
انا متزوجة من 7 اشهر فقط زواج تقليدي انا عمري 23 سنه وزوجي عمره 32 سنه مرت انا بعد زواجي بشهر سجلت بمعهد واحس اني انشغلت عن زوجي بعد ما انقطعت هن المعهد بعد 3 اشهر زواج حسيت تغيرات في زوجي باين عنده شئ يخبيه وكان من ايام الملكة حريص انه كل شخص له خصوصياته وعلى هالاساس مستحيل يخليني امسك جواله بعد ماحسيت بتغيرات فيه مسكت جواله من غير علمه واكتشفت رسايل يرسلها لوحده وطلعت علاقتهم من سنوات وطلعت متزوجه طبعا انصدمت وتعوذت من الشيطان وقلت اصير عاقله وأصبر لأنه انسان طيب يكفي اخلاقه واحترامه بعدها ما اوجهته بس تلقائيا تصرفاتي تتغير اعصب عليه فجأه واحس اني اشوفه انسان كريه جلست معه جلسة وسألته إذا مقصره بشئ بالعكس مدح فيني كثير بعد فتره اكتشفت بعد انه مو يكلم هذي الأنسانه بس اكثر من وحده مااعرف صراحة كان اهون علي من انه يكون مرتبط فيها قلت احسن شئ معناته ما يحبها ذاك الحب واصلا لو يحبها كان تزوجها جلست معه على اساس ماله داعي هالخصوصيات لكن اصر على رأيه بعد فتره القاه مازال متواصل اكثر شئ مع الإنسانه الي يحبها على حسب كلامه لها بالرسايل وطالب منها صورتها وشايف صورتها لأنه كاتبلها ليش خايفه عادي خزنتها بس بأمسحها عشانك انا ما شفت صورتها مالقيتها على كل حال هو إلا هذا اليوم متواصل معها بعد مازاد حاله وصار فجاه يقولي انا بنزل السياره ويجلس بالسياره وانا عارفه انه عنده بدرج السياره جوال ثاني من وراي واهو عارف اني عارفه على اساس بس الجهاز انه من غير شريحة وانا سويت نفسي مو عارفه عصبت وقلت له ماعتقد في انسانه تتحمل انك ماشاء الله تنزل السياره مدري وش قاعد تسوي وقلت له شوف انا إلى الآن ما مسكت عليك شئ بس تـاكد انه الله يشوفك وإذا انت على كلامك واثق من نفسك انا بقولك حسبي الله ونعمخ الوكيل تأكد فيه انسان يشوفك بالسر والعلن ونفس هذا الكلام كررته بعد فترره ثانيه احتجته واحسه حزت بخااطره خصوصا بعد ماأرسلتها رساله وكلام قوي عن الخوف من الله والحساب وكذا .. انا حاليا احاول أوفر كل الي يبي بس ماادري هل راح يطول صبري ولا راح أنهار هل فيه حل آخر ........؟؟؟؟؟؟؟؟؟؟؟
مع العلم أني كلمتى شيخ وقالي نهاائي لا تواجهينه سوي نفسك مغفله ... أفضل من انه يتمادى ... لكن ابي حل تعبت كثييير اخااف اني انهاار ؟؟
وآآآآآآآآآآآآآآآآآسفه جداا على الإطاله ..
|