المحتاره 83

بيانات اضافيه [ + ]

رقم العضوية : 27838  تاريخ التسجيل :  05 2009  أخر زيارة : 01-11-2009 (10:32 PM)  المشاركات : 97 [ + ]  التقييم :  10

لوني المفضل : Cadetblue

بارك الله فيك اخي "ساكن" وعسى الله يرفع عنا وعنك ما ابتلينا به..
لاهون عليك الموضوع انا اعاني من هوس نتف الشعر تطور معي وصار وياي رهاب اجتماعي يعني ما اطلع للناس بالمره و طوال الاثني عشر عام اللي طافت غيبت حالي عن الناس لدرجه يوم ما بتكون عندنا عزايم اتخبى بغرفتي ولا اطلع لدرجه انه قريباتنا من العائله اتعودوا على عدم وجودي...
صرت اخاف حتى اتكلم لاني اتلعثم اذا شفت الانظار موجه لي ودوخه واضيع حتى الموضوع اللي ابي اتكلم فيه ناهيك عن ارتجاف الصوت وضربات القلب اللي احس معها اني راح افارق الحياه لحظتها...وياريت المشكله تنتهي لحد كذا لا اذ بقيت لوحدي اجلس اعنف حالي واتوتر ليش سويت كذا وبصوره هستيريه انتف شعر راسي .......مو بكيفي غصب عني...
انا عارفه انك تبي احد ينصحك شو سوى مشان يخفف من حده هالرهاب بس انا اوضح لك مدى مشكلتي العويصه بس مع كذا لقيت لي حل اللي هو
صرت اجبر نفسي على الحديث واقحم نفسي في اي موضوع وقبل ما اتكلم اخذ نفس وارتب الكلام ...الحمدلله نوعا ما ارتحت بس صرت اعصب اكثير واتوتر اذ لقيت احد يعارضني و اشب نار اذ احد حاول يقلل من رائي او بكل استعباط يقول لي "ترى ما فهمنا منك شي ايش قلتي"؟
اخوي ابتسم للحياه====شوف من تنصح
وجرب طريقتي يمكن تضبط وياك ...انا عقد الدنيا كلها فيني بس مع كذا احاول اسيطر على نفسي واعالج نفسي بنفسي...
اللي عنده تعليق على كلامي ياريت يكون لطيف لاني متأزمه من الناس اللي يردون على مشاركاتي يجي لي خفقان وازعل اذ اتضايقت من تعليقاتهم ..اعرف ان الشغله مو محرزه بس الحمدلله على ما ابتليت به ادعو الله لي ولكل من هو بحالتي بالشفاء...