صبر الجمل

بيانات اضافيه [ + ]

رقم العضوية : 27898  تاريخ التسجيل :  05 2009  أخر زيارة : 23-11-2018 (06:38 PM)  المشاركات : 64 [ + ]  التقييم :  10

لوني المفضل : Cadetblue

وش الحل يا أهل الخبرة؟!

السلام عليكم
يفرحني ويسعدني أن اكون معكم في هذا المنتدى الذي وجدته صدفه اثناء تجولي في محرك البحث حيث كنت ولازلت اعاني من مشكلة غريبة قلبت حياتي رأسا على عقب لكني مصر على تجاهلها عشان ما اتعب وهي :
يوم من الايام وقبل سنتين ونص تقريبا وبينما انا مستقر ومطمئن نوعا نفسيا إذا هجم علي شيء غريب حيث اصبت فجأة بالخمول العضلي والهياج العصبي وعدم القدرة على مواجهه المواقف وكلما أجبر نفسي على مواجهة المواقف اجدها تخذلني خذلان تام اجر ورائه اذيال الفشل والخيبة التي لم اكن اعهدها من قبل مما فاقمت المشكلة لدي , ومن جمال الحظ كما يقولون أن اموري اضطربت في هالفترة اللي انا فيها في وضع ضعيف حيث اشوف الامور تتسلط علي بشكل غريب وتتعسر بشكل اغرب ولا يمر يوم إلا وتجيني فيه مشكلة ثم يتبين اني مظلوم فيها واللي يقهر اني ما اقدر ادافع عن نفسي او اواجه بالشكل المطلوب هذا اللي يخلي الدم يغلي ولا اخفيكم اني تمنيت اذبح نفسي من القهر ومن هول ما رأيت وصرت بشكل لا ارادي اتهرب من اي موقف واصبحت منعزل انعزااال تااااام
واصبحت نفسي لا تقوى على فعل اي شيء وفقدت القدرة على التعامل مع الامور بشكل متزن وايضا العجيب اني فقدت جميع ما املك من خبرات سابقه واصبحت كاني طفل ليس لديه اي خبرة في الحياة متخبط وضائع ولا من زين الحظ البعد مصاب بالهلع والخوف والوساوس القهرية والعقدية وكل شيء يعني مجمع من الأمراض النفسية اللي ما كنت اتوقع يوم من الايام أن نفسي تصير بالوضع المزري اللي يقهر وصراحة أول ما اصبت بهالحالة اتخذت مجموعة اجراءات لم تخرجني مما انا فيه وهي :
1- ذهبت لاستشاري اعصاب ونفسية وعطاني مجموعة ادوية ويقول ان عندك اكتئاب وعطاني ادوية استمر عليها ويغير معدل تركيزها كل شهر واستمريت عليها ثلاث شهور ولا حسيت بتغير قيد انملة مما جعلني اترك هالادوية دفعة وحدة دون تدريج ولا اخفيكم اني تعذبت حوالي اسبوعين بسكل رهيب جراء تركي المفاجيء لها لكن اصبر على العذاب ولا ارجع لواحد ما يعرف يشخص حالتي ولا يدري وين الله حاطه فيه .
2-استخدمت الرقية الشرعية وزيوت وماء مرقي وصراحة حسيت براحة نوعا ما والكوابيس في النوم خفت بشكل كبير ولا ادري هي وهمية ولا حقيقية بس التعب والضعف العضلي والعصبي موجود ماراح
3- الاعراض موجوده عندي ومستمرة ومتجاهلها واعيش كاي انسان طبيعي لكني ضحيت باشياء كثيرة تركت مواجهتها وتركت اشياء كثيرة كنت متولي مسؤوليتها واصبحت منعزل تماما واحاول ان ارضى بهذه العيشة عشان يخف الاضطراب عندي وفعلا خف لكني احس اني اعيش غير الناس
4- هناك اعرض كثيرة ناسيها الان وان شاء الله تتفاعلون معي بالردود واذكرها وتكفون لا اشوف هالموضوع منسي والقاه في الاخير رايح في الصفحة الثانية محد عبره , لالالالا تكفون تراني ماني ناقص إحباط ويأس وشكرا لكم يا احبابي

المصدر: نفساني