|
حلقي يخنقني ومااقدر ابلع ريقي
السلام عليكم
مشكلتي انا فيني نوبات هلع بس من شي غريب
تجيني لما اروح الجامعه ولما اكون وسط ناس مااخاف من الناس لا
اخاف يصير فيني شي
يعني ادوخ اموت شي زي كذا
والحين تطورت الحاله وصارت بكل مكان حتى لما اكون لحالي والله زاايده معاي هالفتره
انا اللي مقلقني بالموضوع بس
انه مابي الخنقه هذي اللي تجيني ومااقدر ابلع احس اني بموووووت والله
شعوووور يمررررض وتعب ويخوف واحس انه يذبح
وافتح عيوني وبقوة واتلفت عشان تروح
والله يبين بالوجه وبعد ماتهدا الناس يحسبون فيني شي هالشعور مااحبه ابد ليتكم ماتحسوونه
والله تعذبت منها ودمرت مستقبلي لدرجة اني حاولت انتساب عشان مااقدر اخاف احضر المحاضرات وتجيني واموت ولا يصيرشي
هو زي شي يخنق الحلق ويسكره ومااقدر اتنفس
ناهيتكم عن الدوخه وتسارع نبضات القلب ووزني اللي ينقص والتشاؤم الي فيني
واللحين الأختبارات على وشك مابقى شي واخاف تجيني وانا اختبر مثل اخر مرا وطلعت من القاعه بدري وانا ابكي والمدرسه قالت لي انتي اكيد مسويه شي غلط ليه تترجفين وفتشوني وقالوا انتي موطبيعيه احنا نشك انك تعبانه
واربكوني زيااده بس كنت واثقه اني مامعاي شي وقلت فتشوني اخرتها بتندمون وتقولون ظلمناها والظلم ظلمات
شفتوا كيف اعاني !!
تكفوووووون ساااااااااعدوني لوبدعوة ان الله يبعدها عني
والله اني حياتي ومستقبلي بيضيع والسبه هي ولا احد دااري
واخرها نوبة هلع تو قبل شوي وطولت معااااي
تكفووووووون ابي اختبر بس وانا مرتاحه
حرام اللي اسويه بأمي ه الوحيدة اللي منغثه تبيني زي كل البنات يختبرون ويدخلون ويطلعون مستانسين
مابي يجي وقت الاختبارات واقول ماابي ادخل اختبر نفس العام الماضي وتركت الكليه
والله اكتب لكم ودموعي بعيني
وسالفة اني اروح للدكتور نفساني واخذ حبوب صعبه علي وماابيها ابي اي شي ثااني غير هالحل
ومشكوورين
|