المشاركة الأصلية كتبت بواسطة مصطفى الصيني

السلام عليكم
كيف حالك ؟ ان شاء الله تمام
الي سويتيه اول خطوه لحل مشكلتك
الفضفضه
راح اتكلم معاك بالعامي عشان تفهمي اكثر
الكلام سهل لكن الفعل صعب
الاخوان ما شاء الله ما قصروا اعطوك معلومات قيمه ونصايح زي الذهب
اعتقد انك سمعتي وكل يوم بتسمعي زي هذا الكلام وفي النهايه تقولي سويت وما نفع
اول شي حطي في بالك وهذا اهم شي مافي شي يصيب العبد ويصبر عليه الا ربنا يكتب له اجر
يعني هذا اول دليل على انه ربنا بيحبك وبيخفف عنك الذنوب عشان في الاخره تلقيه وانتي نقيه طاهره باذن الله
ثاني شي انتي محتاجه انسان تفضفضي له
الي بتعانيه ثلاث ارباع بنات العالم يعانوا منه وما اقول البنات بس يمكن حتى الاولاد
بس البنات اكثر بالنسبه لمجتمعنا لانه مغلق نوعا ما
انتي بنفسك حددتي المشكله انك مو متزوجه
وانا متاكد مليون بالميه انك محتاجه رجل تحبيه ويحبك ويهتم فيك وتهتمي له تفضفضي له وهو يفضفض لك تشاركيه اراءه ويشاركك ارائك
مدري اذا تقدم لك احد ورفضتيه او اهلك رفضوه بس حاولي انك ترتبطي بشخص في هذا العمر لانه هذا العمر عمر الحاجه للطرف الثاني
وربي كل الي محتاجته انتي انسان يهتم لامرك وصدقيني ثلاث ارباع مشكلتك راح تنحل
انا في عمرك وتقريبا فاهم عليك وحاس بلي تواجهينه
اذا ربنا ما كتب لك انك تتزوجي ذحين ان شاء الله تتزوجي بكره فلا تخافي
كل الي عليك تسويه انك تبيني لاهلك انك مؤهله وبحاجه للزواج واذا رفضوا فحاولي تلجأي لاقاربك واذا ما نفعوا صديقاتك واذا ما نفعوا ففيه جمعيه تساعد الاشخاص الي يعانوا من اهاليهم وتساعدهم باذن الله
الاخوان هنا كلهم ما قصروا اذا بحاجه لشي الجأي لهم وصدقيني يقولك الصديق وقت الضيق
والمسلم للمسلم كالبنيان يشد بعضه بعضا
قدامك حياه حلوه وطويله وصدقيني راح تنبسطي اذا ارتبطتي بشريك حياتك وان شاء الله تخلفي نونو صغيره تشبهك
ربنا يسعدك ويوفقك دنيا واخره
ركزي على النقاط التاليه :
اهتمي لصحتك ولنفسك مره مره مره كثيييييييييييييير
مارسي هواياتك وطوريها وشوفي هوايات جديده وجربيها , حاولي انك تدخلي عوالم ثانيه تستفيدي منها
لا تعكري مزاجك بسرعه وحطي في بالك انه المزاج ما يصير حلو الا بجهد بسيط يعني لازم تتعبي عشان تنبسطي وكل الموضوع مساله تفكير يعني يتعلق بالعقل ففكري
اتقربي من اهلك اكثر واكثر وحاولي انك تتجنبي المشاكل وقولي كلمه طيب لاهلك للاجابه على اي طلب
في النهايه الي يحل مشاكلك كلها هو الي خلقها وخلقك انتي فسبحانه هو الوحيد الي انتي بحاجه انك تلجأي له في اواخر الليالي وادعي وانتي موقنه بالاجابه وصدقيني ربنا مجيب الدعاء
يا اختي واي سؤال او استفسار انا موجود ولا تستحي كلنا اخوان وطلبك للمساعده ما بيقلل من كرامتك شي
تبغي تفضفضي وتشكي اشكي لنا واحنا والله نفرح لمن نساعد شخص يعاني زينا مو عيب وابدا مو عيب ...
ربنا يحفظك ويوفقك