المشاركة الأصلية كتبت بواسطة sabeen

مرحبا اختى العزيزه بحترم فيك شجاعتك وقدرت على انك تحكي وتعبري
ما بعرف اذا بساعدك انه مش بس انت حاسه هيك انا مريضه صرع ومريت باكتئاب بس اقدرت اتجاوزه والحمدلله تعرف كيف بمساعده الناس الاحنا بنحترهم زي ما في ناس بلفوا ضهورهم النا في ناس بجد بتكون صديق وبتساعد وعندها استعداد تسمعك للاخر وتفكر معك خلي عندك امل ببكره وانت ماشاءلله عليك مؤمنه فخليها على الله واكيد هو حيخفف عنك الحياه بدها تحدي وصبر اتحدي حالك وعيشي باصرار وكيف ما هي الحياه بتنعاش ما تستني الموت لان ما حيكون اسهل من الحياه ما تستسلمي وتودعي حياتك الابمكانك تبنيها وتعيشها انت لسه صبيه 23 سنه ما شفتي شي من الدنيا الحياه قاسيه بس بنفس الوقت اصرارك اقسى منها بتمنى تصير احسن وتتخلصي من أكتئابك وتعيشي حياتك وانا واثق انك قادره يمكن ما تكون مشاركتي بمستوى مشاركه الاعضاء الاخرين بس بتمنى ان اكون اثرت فيك ولو شي بسيط اناما بشارك عاده بس لفتت انتباهي قصتك لان مريت فيها وحاسه فيك كل الاحترام الك