نفساني - عرض مشاركة واحدة

10-06-2009, 08:56 AM

اليوم الثاني ..
- جاء يوم الأربعاء ،، ويوم الأربعاء في عمّان له طعم حلو جدا عندي أنا ابو مروان ،، وموعدي مع أبو زيد الساعة 10 ونص صباحا ،، وفعلا جائني صاحبي ابو زيد علموعد ،، ولكنه هذه المرة مبسوط وباينه عليه أسارير الفرح والإنشراح والرضى ،، والبركه في الحاجة أم زيد ربي يكرمها ويسعدها لإنها أطعمتو وأكرمتو قبل ما يطلع من دارو ..،،
- صباح الخير استاذي ابو مروان كيف يومك يا سيدي .. ؟
- الحمد لله كيفك إنته يا أخوي يا بوزيد ؟
- الحمد لله والشوكر بنعمه من الله ..
- وين مشوارنا اليوم يا أوستاظ ؟
- اليوم رايح للجامعة الاردنية يا بوزيد ..
- شو رأيك بالجامعة اليرمووووك في إربد ،، إبن اختي يمدحها والله؟
- يا بوزيد ولدي الأوسط مابدو جامعة اليرموك .. كلها اختلاط والطريق هونيك صعب على الولد عندما يجي من المطار لإربد ..!!
- هاي كل الجامعات عدنا أختلاط يا بومروان،، وتشوف اللي بدك اياه ،، بس والله فيه نسبه كبيره من المحجبات وبنات الآصول المحافظات ..
- ماتخلى يا بوزيد كل بلد فيه الصالح والطالح ..!!
تصدق يا أخوي يا بو مروان إنك من الناس القلايل اللي ياخذو ويعطو معي ،، مع العلم باني واحد عصبي ومبتحملش أي حدى ..
- له لليش يا بوزيد المفروض انت سواق تكسي بدك تتحمل كل الناس وبكل طبايعهم لإن رزقك بعد الله عليهم وعلى أكرامياتهم ..
والله غنك صادق يا الطيب ..
حدثني يا بو زيد عن حياتك مع أم زيد وكيف تتعامل معها ،، وكيف تتحمل عصبيتك ؟
خليها على الله يا حج ..
يا رجل هاي ام زيد مبعرفش كيف تتحملني ،، تصدك يا بو مروان وماحلفتني بالله أنني كل يوم عمب لعن روما كدامها ..!!
طيب وش بتعمل معك إذا عصبت عليها وضربتها ؟
- يا رجل مابتكولش حاجة بس أشوف شفايفها بتنطك كلمة : الله يعيني على هالزلمة المشرت ..!!
- يعني يا بوزيد مابينكم غراميات ورومانسية وأنسجااااام ؟
- يعني شو قصدك مثل فاتن حمامه وفريد شوكي ؟؟
- يعني مثل هيك يا بوزيد ..
- يا زلمه شو بتكوول إنته .. أم زيد حرمه عظيمة وزوجه وفية بس لو ربنا بيفكها من هالجارة أم زكي الله ياخوذها من دارها ..!!
- ليش يا بوزيد شو عامله إلكم الحجة ام زكي ؟
- يا زلمه هي عمرها ماحجت ولا راحت بيت ربنا ..
- تصدك ذاك اليوم وأنا جاي من الشغل شفت زحمه في حارتنا وكلت لجارنا أبو محمد شو صاير يا حاج بو محمد ؟
كالي أبو محمد هاظ أبو زكي يصرخ ويلطم على مراتو ،، أنا ماتحملت هالحكي يا بو مروان ورحت ومسكت لسان بو زكي وكلتلو ولك شو بتكووول بالآدميه يا بو زكي خاف ربك يا زلمه حادي عن الراس واذرب ،، واترك عنك الحاجة وبعدين هالمسكينه فكحت من ايدو وارتاحت من هالحكي اللي ملوش لزمه..
وبعدها صارت أم زكي تظن أني انا وام زيد السبب في عداوتها من جوزها .. وصارت حياتنا حجيم الله وكيلك ..
- يعني حارتكم يا بوزيد كلهم فستق فاضي ؟
- يا بو مروان هي حارتنا وبس ،، البلد كلها فستك فاضي ..!!
- هاي هي الجامعة الاردنية يا أخوي يا بو مروان إمتى أجيك يا سيدي؟
- ساتصل بك على المحمول يا بو زيد .. بس زكاتك ابو زيد إريد منك نكته علطاير قبل ما انزل ..
- ضحك ابو زيد من كلبو .. وقال خذ هاي يا طيب ..
- وحدة جيش فيها جنود جدد وكان في عسكري محشش معهم اعلنوا في الوحدة بزيارة قائد الجيش وحكوا للعسكر إذا سالكوا القائد عن عمركم بتكلولوا 81 سنة وعن خدمتكم بتحكوا سنتين وإذا سالكوا عن ايش بترموا على الرشاش ولا على المدفع بتحكوا على الجهتين سيدي .
أجى القائد فوقف قدام العسكري الطافي(المحشش) وسألو كم عمرك يا عسكري؟
رد عليه سنيتن ،، رجع سأله كم خدمتك : رد عليه 81 سنة ،،
فحكالوا القائد أنت مجنون ولا هبيلة يا عسكري ، فرد عليه على الجهتين يا سيدي ..
- أبو مروان : ههههههههههههه مع السلامة يا بوزيد ..

،،، مفاجآت اليوم الثالث ..